ZAJ NYEEM HNUB TIM 12 LUB 12 HLIS 2025
HNUB NIAM MAB LIAB YEES TAWM NYOB KUAS DAS LUS PES
COV LUS NYOB HAUV MAS TAIS NTAWV MOO ZOO (MT 11: 16-19)
Nyob rau hauv zaj no, Huab Tais Yes Xus qhia tias Huab Tais Tswv Ntuj siab zoo, nws yuav coj peb mus rau txoj kev zoo txoj kev vam meej, yog peb txawj mloog nws lus.
Tab sis, tiam neej no, tib neeg lub siab nqaim, lawv tsis mloog Huab Tais Yes Xus thiab Zam nkawd tej lus. Lawv hais tias ; Zam coj zoo thiab coj nruj dhau lawm, nws tsis noj tsis hauv cawv, Hos Huab Tais Yes Xus tuaj, nws noj mov hauv cawv, thiab ntaus phooj ywg nrog rau txhua leej txhua tus, tsis hais tus loj tus me, los tus muaj los tus pluag. Luag kuj hais tias, nws siab zoo dhau lawm, nws ua phooj ywg nrog cov neeg txhaum, tab sis, tus muaj kev thoob tsib thiab coj ncaj yog nws. Nws lub neej thiab nws cov hauj lwm yog tus yawm sij uas yuav coj peb mus cuag Tswv Ntuj lub Ceeb Tsheej.
Lub caij no kuj yog lub caij zoo rau peb tig los mloog Huab Tais Yes Xus, peb qhib peb lub siab tos txais Huab Tais tuaj nyob hauv peb lub neej, ces peb yuav ntsib kev zoo siab.
