Xws li tej txoj kev cai nruj, kev sib cais hauv kev tseev tsim, kev poob qab, kev nyiag noj nyiaj, kev xaiv ua thiab kev muaj vaj huam sib luag poob qis. Hauv qhov no lub rooj sab laj loj zaum tim 12 ntawm cov Tswv Qhia nyob As Xias los yog FABC, thiaj tsa nyob Jakarta hauv hnub tim 20-26 lub 7 hli. Hauv lub ntsiab lus ‘‘kev nqua hu kom tig los yuav lub siab tshiab raws lub pwm tsav txoj cai thiab cov hauj lwm hauv kev ua tus choj, thiab ua tus tuam coj nyob As Xias’, Yog qhov tseem ceeb thiab tshwj xeeb kawg.
Lub Koom Txoos thov koom tuam choj, tsis yog ua phab ntsa thaiv. Hauv lub caij uas ntau haiv neeg lub Cim yog kev sib tawg, kev sib cais thiab txwv cov neeg thoj nam. Txwv cov haiv neeg tsawg thiab cov neeg pluag txom nyem. Cov neeg ntseeg thiaj raug thov kom txhawb nqa kev sib tham, kev lees txais thiab sib koom ua ib lub siab. Tuam choj kom tau kev sib ntsib thiab sib txhawb nqa, vim phab ntsa ua kom muaj kev ntshai thiab nyob twm zeej.
Kev sab laj zaum no yog lub zoo caij rau lub Koom Txoos uas yuav ua tej yam tseeb nyob As Xias zim txwv no txog yav tom ntej. Qhov no yog kev tswj hwm tus kheej, kev hlub pej xeem, kev sib cais thiab tej lus cuav. Vim tej kev txhawj xeeb no thiaj thov kom muaj qhov ruaj khov ntawm kev cog lus tshiab hauv lub Koom Txoos. Txij cov yim neeg thiab tsev teev Ntuj mus txog lub Cheeb Koom Txoos thiab lub pwm tsav Tswv Qhia. Vaj Qhia Fas Ntshis Kus thiab Vaj Qhia Leo 14 puav leej hais tias :
“Kev sib tham yog qhov tsim nyog hauv lub Koom Txoos tej hauj lwm.” Nyob hauv Evangelli Gaudium, Vaj Qhia Fas Ntshis Kus hais tias : “Kev sib tham nrog cov kev teev hawm, yog kev thaj yeeb tseem ceeb nyob ntiaj teb.”
Hauv tsab ntawv Magnifica Humanitas, Vaj Qhia Leo 14 hais meej tseeb tias :
“Kev ncaj ncees, kev sib pom dej siab, qhov tseeb thiab kev sib tham yog lub hauv paus ntawm kev ncaj ncees thiab kev nyiam kev hlub.” Kev tuam choj yog hais txog kev sib mloog tsis muab hlob, kev lees txais txhua haiv neeg, kev ua hauj lwm nrog luag tej kom muaj qhov zoo rau sawv daws. Nrog rau kev txuag neeg lub meej mom thiab tab meeg ntsib tej kev tsis ncaj ncees thaum tshaj txog lub Moo Zoo hauv kev cia siab.
Thaum cov Tswv Qhia As Xias tuaj sib sau nyob Jakarta, mas tej kev txhawb xeeb nyob ntawm lawv hauv ntej ntawd pom meej tseeb kawg. Qhov ntawd yog kev txuas caij nyoog ntawm lub Koom Txoos cov lus cog hauv kev tuam choj nyob hauv xeev ntuj, uas xav kom muaj kev thaj yeeb, kev ncaj ncees thiab kev ua kwv ua tij.
