Tus Txiv Plig uas tawm tsam Duterte’s kev cheb ntxuav tshuaj nees, tau txais qhov paj tshab Nos Npes nyob As Xias
Flaviano Antonio los yog Villanue uas nws yog ib tug Txiv Plig Fis Lis Pees ntawm lub Koom Haum Lo Lus Ntshiab los yog SVD. Raug nce npe ua tus tau txais qhov paj tshab Ramon Magsaysay hauv xyoo 2025. Nws muaj nqis ib yam As Xias teb qhov paj tshab Nos Npes. Yog los ntawm cov hauj lwm txhawb nqa cov neeg pluag, cov neeg tsis muaj vaj tse thiab cov raug tua tuag lub meej mom, hauv tseem hwv kev tua cheb ntxuav tshuaj nees.
Lub Koom Haum ntawm qhov paj tshab Ramon Magsaysay los yog RMAF, qhuas txog Villanue cov hauj lwm hauv nws lub neej uas tau ua los pab txuag cov neeg pluag thiab cov neeg raug luag saib tsis taus. Nws ua tawm hauv kev ntseeg txhua hnub tias; kev ua tub txib hauv cov neeg poob hwj chim yuav ua kom txhua tus rov tau txais kev txhim kho. Villanue los yog tus uas sawv daws paub nws hauv lub npe Txiv Plig Flaviano. Xyoo 2015, nws tau txhim tsa lub Koom Haum Arnold Janssen Kalinga nyob Mas Nis Las, kom tau saib xyuas lub meej mom ntawm tsoom pej xeem Fis Lis Pees uas lawv yog cov neeg pluag txom nyem.
Lub Koom Haum no tau pub txhiam xws noj, pub chaw nyob thiab kev noj qab haus huv. Tab sis yav tom ntej ntawm lub Koom Haum nws kav ntau tshaj tib neeg kev cheem tsum. Lub Koom Haum tau pab kom tus tau txais txiaj ntsim txawj hwm tus kheej thiab rov muab lub meej mom rau tus kheej nyob hauv kev kawm, kev nyob noj thiab kev muaj feem cuam nrog zej zog. Lub Koom Haum thiaj rais ua qhov chaw nyob ntawm ntau tus poj ntsuam thiab cov me nyuam ntsuag los ntawm kev cheb ntxuav tshuaj nees.
