Tswv Qhia Tagle hais tias : Synodal los lub pwm tsav yuav xyaum mus kev ua ke, zoo li cov me nyuam xyaum tshais thawj kauj ruam.
teev Ntuj thiab rov xav txog ntawm FABC lub rooj sab laj loj zaum tim 12, uas yog
hnub tim 22 lub 7 hli. Tswv Qhia Tagle hais tias : “Cov lus teb yuav pom nyob hauv
cov me nyuam uas tab tom xyaum mus kev.”
Tswv Qhia Tagle hais rau cov Tswv Qhia thiab cov sawv cev nyob Jakarta tias : “Kev
mus kev yuav tsum yog muaj zog, zoo txhij zoo txhua, muaj qhov cia siab thiab vam
txog kev txhawb nqa ntawm lwm tus.” Nws hais rau cov tuaj koom sab laj kom muab
tej kev kawm no los piv rau kev mus kev raws Synodal hauv lub Koom Txoos. Nws
nug tias tus ntsuj plig zoo li cas thiaj ua kom cov neeg ntseeg mus ua ke tau hauv kev
ntseeg. Tswv Qhia Tagle hais txog nws niam thiab nws txiv uas muaj 96 xyoo tias :
“Kev nyob ntawm ib sab, yog hais txog kev nyob ntawm tus mus tsis taus kev ib sab.
“Koj nyob nrog nws, koj tuav nws tes, koj ntxhi rau nws pob ntseg, ces nws yuav paub
tias nws tsis yog nyob ib leeg.” Nws hais tias : “Nov yog lub ntsiab tseem ceeb los yog
lub plawv ntawm Synodal.” Nws hais tias lub Koom Txoos raws Synodal tsis yog
ntsuas los ntawm qhov zoo thiab tsis zoo, tab sis yog ntsuas los ntawm kev ua tiag uv,
kev muab siab rau thiab kev mus ua ke hauv kev sib pom dej siab. Tshwj xeeb tshaj
yog cov uas raug tso tseg rau tom qab. Tswv Qhia tseem hais ntxiv tias :
“Kev kov xov tooj heev dhau thiab lwm yam uas txhab ntxiv ua kom kev sib tham
ntawm tib neeg tsuag. Synodality txoj cai yog thov kom cov neeg ntseeg sib mloog,
nyob ua ke thiab hloov tus kheej kom txhob muaj ib tug raug tso tseg rau tom qab.”
Hauv nws cov lus xaus, nws thov kom cov sawv cev paub tias ; kev xyaum mus kev ua
ke tiag tiag yog txhais li cas ? Yog kev ua tiag uv, kev tso siab thiab kev cia tias yuav
tsis muaj ib tug twg mus kev ib leeg.
