Tsa ib yim neeg Pos Kas ua tim khawv los txhawb nqa lub Koom Txoos thaum lub caij muaj tsov rog

Thaum Jozef thiab Wiktoria Ulma nkawd raug tshaj tawm tias : nkawd raug tsa ua tim khawv nrog cov me nyuam hnub tim 10 lub 9 hlis no. Twb yog 8 tiam neeg dhau los lawm uas lawv raug cov Nas Ntxis tua, vim lawv zais cov His Xas Lais nyob hauv lub tsev teb ze lub zos Markowa, nyob Pos Kas toob fab naj. Nod yog lub cim qhia meej meej txog kev muaj lub siab tawv lees tias yog neeg ntseeg Kav Tos Liv ntawm cov neeg Pos Kos nyob hauv lub caij ua tsov rog cheb ntxuav. 

Hauv txoj cai koom tshaj, tsis kheev kom sawv daws sib sau ua tej pawg hauv lub caij tsov rog ntiaj teb zaum ob. Txiv Plig Pioter uas yog tus lwm thawj tswj ntawm COMECE, uas yog pab tuav xam lub rooj sab laj Tswv Qhia nyob Aws Los Pas ua tus hais cov lus no. Ulma raug tua tuag thiab muab pov rau hauv kwj deg nrog 6 leej me nyuam lub 3 hlis xyoo 1944, yog tuag los ntawm kev pab txuag cov His Xas Lais nyob Markowa. Yog ib qho xwm txheej uas pom meej kawg tom qab kev soj ntsuam. Thaum ntawd Wiktoria tab tom xeeb tus me nyuam tim 7. Cov neeg zej zog uas faus lawv hais tias : Wiktoria raug tua thaum nws tab tom yug me nyuam, thiab cov Nas Ntxis tau tua 8 tus neeg His Xas Lais uas nkawd muab zais tuag tas. 

Lub caij ntawd coob leej tau hais kom tsis txhob hla txoj cia thiab pab cov His Xas Lais, tab sis muaj qee leej lawv kuj zoo siab pab, vim lawv xav ua tej lub cim tseem ceeb nyob hauv tsov rog. Tsoom pej xeem Pos Kas coob tshaj 6 plhom leej, ib nrab yog neeg His Xas Lais lawv raug cov Nas Ntxis Zes Mas Nias tua tuag xyoo 1939 txog 1945. Lawv tua cov neeg nyob hauv ntau qhov chaw, xws li nyob Auschwitz-Birkenau, nyob Belzec, nyob Sobibor thiab Treblinka, hauv Pos Kas teb.

108 tus tim khawv Pos Kas, raug tshaj tawm tsa lawv ua tim khawv los ntawm Vaj Qhia Zam Paj Lug Ob.