Tsa ib tug Tswv Qhia Suav nyob hauv lub Cheeb Koom Txoos Weifang.
Ib tug Tswv Qhia uas yog neeg Suav, nws raug tsa ua tus Tswv Qhia tshiab nyob hauv lub Cheeb Koom Txoos Weifang. Tom qab kev teeb tsa nyob Zhengzhou, hnub no kuj muaj kev teeb tsa nyob Saas Toos (Shandong).
Tus Tswv Qhia Sun Wenjun, uas nws hnub nyoog 53 xyoos. Yog tus txais txoj hauj lwm nyob Yiduxian hauv lub Cheeb Koom Txoos Weifang uas tsis muaj Tswv Qhia txij xyoo 2008 los lawm.
Vaj Qhia Fas Ntshis Kus lees txais Pej Ceeb txoj kev faib ciam hauv lub Cheeb Koom Txoos. Vaj Qhia tau tsa tus Tswv Qhia nyob Zhengzhou, hauv lub xeev Henan ua tus Tswv Qhia tshiab. Yog tus Tswv Qhia tshwm sim nyob Suav teb thiab tau txais lus tso cai los ntawm Vas Tis Kas. Tswv Qhia Sun Wenjun raug tsa ua tus Tswv Qhia tshiab kav lub Cheeb Koom Txoos Weifang uas yog lub zos nws yug los, nyob hauv lub xeev Shandong.
Raws daim theej teb kev ntseeg nyob Suav teb, lub xeev Yiduxian kuj yog ib lub xeev uas tshaj kev ntseeg, ces Vaj Qhia thiaj tsa lub Cheeb Koom Txoos nyob Weifang. Lub xeev Yiduxian tau txais kev ntseeg los ntawm ib tug Tswv Qhia Fab Kis nyob hauv xyoo 1931. Tswv Qhia Joseph Sun Zhibin, nws tuag xyoo 2008. Nws yog ib tug nyob hauv 5 tug Tswv Qhia nyob Shandong uas raug tsa los ntawm Pej Ceeb, tab sis lawv tsis tau txais lus pom zoo los ntawm Vas Tis Kas. Ces txhais tias lawv ua Tswv Qhia txhaum kev cai. Hnub tim 24 lub 4 hlis xyoo 1988, thiaj muaj neeg thov thiab tau txais lus tso cai kom rov mus nrog Los Mas sib fim.
