Thaib cov neeg ua liaj ua teb kiam cov los pav Suav tias : lawv ua kom tus nqi txiv mov poj poob nqis.

Xov Xwm Koom Txoos Hnub Tim 6 lub 5 hlis 2026

Thaib cov neeg ua liaj ua teb kiam cov los pav Suav tias : lawv ua kom tus nqi txiv mov poj poob nqis.

Tus nqi txiv mov poj los txiv plaws ploom nyob Thaib teb ua ntej xyoo 2020, ib lub yog 20 npaj, tab sis zim txwv no tshuav ib lub 2 npaj xwb. Ua rau cov neeg de txiv mov poj ib txhia yuav tsum tso tseg. Yog hais raws li cov neeg de txiv mov poj hauv zej zog hais. Tsis pes tsawg lub Koom Haum uas muaj cov los pav Suav nres feem ntau, ua kom tus nqi txiv poob qis heev thiab tsis haum rau cov kiab khw. Cov neeg de txiv kiam Suav tias ; lawv ua kom tus nqi txiv mov poj poob nqi. Tam sim no tsuas tshuav 2 npaj lawm xwb. Yog vim cov los pav Suav nkag tuaj cuam tshuam, ces cov neeg de txiv kev nrhiav nyiaj thiaj tsawg zuj zus. Ua rau coob leej xav tias lawv yuav tso

kev de txiv mov poj tseg, yog tias cov tseem hwv tsis nrhiav kev daws cov teeb meem no kom sai. Coob leej tsis muaj nyiaj yuav nqis peev ntxiv mus, ua rau qee leej cia cov txiv pov tseg nyob saum ntoo.