Tab txawm muaj kev tso hem thawj los ntawm cov tseem hwv Thaib thiab Khas Phus Chas kuj xij, cov neeg txhawb nqa txoj cai kev nkag teb chaws kuj tseem muaj.
Tab txawm muaj kev tso hem thawj los ntawm cov tseem hwv Thaib thiab Khas Phus Chas kuj xij, cov neeg txhawb nqa txoj cai kev nkag teb chaws kuj tseem muaj.
Xyoo 2000, Pheaktra tuaj ntawm lub xeev Pusat tuaj rau Thaib teb, nws yog tuaj nrhiav hauj lwm ua. Tom qab nws niam tuag, mas nws tsev neeg kub ntxhov nyiaj txiag heev. Nws txiv kuj tsis muaj nyiaj xa nws mus kawm ntawv ntxiv. Nws thiaj txiav txim siab nkag tuaj Thaib teb kom tau ua zog thiab tau nyiaj, thiab tau ua cov hauj lwm siv zog tsawg me ntsis. Pheaktra pib ua cov hauj lwm txhim vaj txhim tsev nyob ze Bangkok, tab sis tom qab nws raug tus tswv saib tsis taus thiab tsim txom. Nws raug cov teeb meem ua tsis ncaj ncees thiab raug kev tsim txom los ntawm nws cov hauj lwm, ces nws thiaj rais ua ib tug neeg txhawb nqa txoj cai kom tau kev pab lwm tus neeg ua hauj lwm hauv kev ncaj ncees.
Cov hauj lwm Pheaktra ua, ua rau nws rais ua ib tug neeg txhais lus ntawm Khas Phus Chas thiab Thaib nyob hauv Thaib lub pwm tsav tub zog. Txij xyoo 2019 thiab 2020, nws pib kawm cov kev cai Thaib. Tom qab kev cog lus ua hauj lwm ntawm nws tag lawm, nws tau nkag mus koom lub pwm tsav fab txoj cai tub zog (LPN).
Xyoo 2020 thiab 2021, nws tau ua tus neeg txais cov neeg xav tau kev pab lawv tej ntaub ntawv. Nws ua hauj lwm nrog cov tseem hwv thiab tej pab neeg. Tam sim no kiag, nws ua tus txhawb nqa kev nyob twj lij ntawm cov tub zog txawv teb chaws. Nws pab cov tub zog hais txog tus nqi zog, kev raug cov tswv ntiav zog cem, kev quab yuam mos deev thiab lwm yam kev iab hiam. Tas txhua yam no puav leej yog tej yam uas nws tau ua thiab muaj txiaj ntsim qab hau kawg.
