Nyab Laj nce npe pab neeg Montagnard uas nyob As Mes Lis Kas teb tias : lawv yog cov neeg tsim kev kub ntxhov.
Nyab Laj nce npe pab neeg Montagnard uas nyob As Mes Lis Kas teb tias : lawv yog cov neeg tsim kev kub ntxhov.
Cov tseem hwv Nyab Laj liam tias cov Montagnard Support Group uas lawv nyob As Mes Lis Kas teb thiab cov Montagnard Stand for Justice uas lawv tua tseem hwv lub tuam tsev nyob Dak Lak, tab txawm yog cov haiv neeg tsawg uas lawv yog neeg ntseeg nyob Nyab Laj teb tseem raug tsim txom kuj xij.
2 pab neeg nyob As Mes Lis Kas teb uas tau txais kev txhawb nqa los ntawm cov haiv neeg tsawg nyob toj siab hauv nruab nrab Nyab Laj teb, raug liam tias yog cov neeg tsim kev kub ntxhov, yog pov thawj qhia ntxiv tias cov Montagnard tseem yog tus pos chob tseem hwv Nyab Laj.
Cov Montagnard Support Group Inc (MSGI) thiab cov Montagnard Stand for Justice (MSFJ) raug liam tias yog cov neeg tsim kev kub ntxhov lub 6 hli tsaib no. Lawv tua tseem hwv koom tshaj lub tuam tsev nyob hauv Dak Lak, ua rau neeg tuag 9 leeg. Nyob hauv cov neeg tuag muaj 4 leeg yog tub ceev xwm thiab yog tub tseem hwv. Xov xwm Nyab Laj thiaj liam cov xwm txheej tshwm sim nyob nroog Dak Lak mus rau cov neeg tsim kev kub ntxhov uas nyob txawv teb chaws, nrog rau Boat People SOS thiab MSFJ, ua kom muaj kev ntxub ntxaug cov heev neeg tsawg.
Tab txawm tsis muaj pov thawj dab tsi txog pab neeg Montagnard uas yog lub hom phiaj nyob txawv teb chaws thiab lawv cov thawj coj, tsis kav lawv raug liam tias yog cov neeg tiv tseem hwv. Lub pwm tsav tub ceev xwm Nyab Laj liam tas zog tias lawv npaj tua thiab yuav txeeb ciam av. Tas cov lus iab hiam no 2 pab neeg no tsis lees txais.
