Is Ntias teb : Yes Xus Is lub tsev kawm ntawv txheej siab ua kev zoo siab rau cov neeg nyob txum tim hnub nyob ntiaj teb. Txhib kom cov tub ntxhais hluas tuav rawv lawv lub hauv paus.
Lawv tuaj sib sau hnub tim 8 lub 8 hli no, kom tau ua kev zoo siab los yog tsuj xeeb cov neeg nyob txum tim hnub. Thiab thov kom txuag lub Cim ntawm haiv neeg nyob txum tim cia. Ua ke ntawd kuj npaj txhij rau cov tub ntxhais hluas hauv lub ntuj uas pauv ntxeev mus. Lub koob tsheej kev zoo siab no npaj nyob hauv lub ntsiab lus ‘tsuj xeeb cov neeg nyob txum tim lub cuab tam, tsim kev txhawb siab rau yav tom ntej kom nyob ntev.’ Muaj cov tub kawm, cov xib hwb thiab cov haiv neeg tuaj sib tham ua ke. Ua tawm txog tej kab lis kev cai thiab kev rov xav txog haiv neeg lub cuab tam. Tus kws txuj Jyotsana Baa tus qhua uas muaj meej mom, tau txhawb dej siab rau cov tub ntxhais hluas kom lawv tuav rawv lawv tej kev cia dab qhuas. Ua ke ntawd kuj txhim kho kev txawj ntse pab zej zog thiab. Nws txhib kom cov tub kawm muab lus Aas Kiv ua qhov tim thiab txhob tso lawv xeem lus tseg. Nws hais tias cov tub kawm tuaj yeem nthuav lub sij hawm tshiab tshiab tau, thiab txhawb nqa lawv xeem lus thiab tej
kab lis kev cai ntawm cov neeg nyob txum tim. Kev sib sau ua ke hauv lub ntsiab lus ‘txuag kev paub kab lis kev cai thiab tus yam ntxwv ntawm cov neeg nyob txum tim txheej tshiab.’ Yog hais txog qhov cheem tsum hauv kev txuag xeem lus hauv cov zej zog kev pauv ntxeev mus sai. Kev ua tawm tej kab lis kev cai nrog rau kev dhia seev cev thiab haiv neeg Santals cov suab nkauj. Kev seev cev ntawm haiv neeg Nagpuri thiab kev mus ncig saib tej kab lis kev cai, yog kev tsuj xeeb txog tus yam ntxwv ntawm haiv neeg. Txiv Plig Kuruvilla Pandikattu, SJ hais tias : “Kev kawm tsim nyog txhab cov tub ntxhais hluas lub hauv paus thiab lub peev xwm, kom lawv txuag tau lawv tus yam ntxwv los lawv qhov muaj nqis hauv lub caij npaj rau yav tom ntej.”
Nws tseem thov kom lub Koom Txoos thiab lwm cov tsev kawm ntawv, koom kev tsuj xeeb nruab xyoos hauv kev mloog cov neeg nyob txum tim. Hwm lawv xeem lus thiab kawm kom paub tej kab lis kev cai thiab qhov ciaj sia ntawm lawv. Cov neeg ntseeg roj ntsha Pas Kis Taas uas nyob Bangkok, zoo siab qhuas txog thawj cov neeg ntseeg.
