Lub Koom Txoos Is Ntos Nes Xias rov hais txog cov hauj lwm tuam choj txuas nrog kev sib raug zoo ua ntej yuav txog FABC lub rooj sab laj.
“Kev nqua hu kom tig los yuav lub siab tshiab raws lub pwm tsav txoj cai thiab cov hauj lwm hauv kev ua tus choj, thiab ua tus tuam coj nyob As Xias.”
Yuav ua kom pom txog lub Koom Txoos cov hauj lwm nyob hauv xeev ntuj uas hloov mus sai heev. Hais txog cov neeg ntseeg Kav Tos Liv nyob Is Ntos Nes Xias, mas lawv ua tswv cuab npaj lub rooj sab laj zaum no, thiab yog lub zoo caij uas yuav tau faib tej kev paub hauv lub neej, thiab kev ua pov thawj ntawm cov haiv neeg tsawg hauv lub teb chaws uas muaj cov Mawv Xis Lim coob tshaj plaws nyob ntiaj teb.
Tus kws txuj Puspitasari uas nws yog ib tug xib hwb nyob hauv Is Ntos Nes Xias lub tsev kawm txheej siab thiab yog ib tug qub tim xyoob lis lub Cheeb Koom Txoos Jakarta cov dej num, thiab kev xa xov hauv zej zog hais tias :
“Lub Koom Txoos nyob Is Ntos Nes Xias paub txog ntau yam hauv kev sib tham uas yuav ua kom sib tawg. Yog tau txais kev txhawb nqa los ntawm Is Ntos Nes Xias txoj cai, cov Phus Thas txoj cai thiab cov Kav Tos Liv tau ua hauj lwm nrog lwm cov kev teev los txhawb nqa kev thaj yeeb, txhawb nqa neeg lub meej mom thiab txiaj ntsim qab hau ntawm ib tsoom neeg.”
Tej kev paub no ua kom pom txog yav tom ntej ntawm lub Koom Txoos Is Ntos Nes Xias thiab FABC meej kawg. Nws hais tias saib kev sib tham ntawm cov kev teev hawm yog qhov tseem ceeb, tej kab lis kev cai thiab FABC cov neeg. Puspitasari ntseeg tias kev sib tham ntawm cov kev teev hawm yuav muaj txiaj ntsim qab hau, yog thaum cov neeg ntseeg sib koom daws cov teeb meem uas raug sawv daws. Xws li kev pluag txom nyem, kev piam sij ntawm txhua yam nyob ib puag ncig thiab teeb meem tib neeg kev ncaj ncees. Nws hais tias kev ntseeg ntawm lub Koom Txoos, yog qhov tseeb nyob hauv tsev teev Ntuj thiab hauv lub Cheeb Koom Txoos kev sib mloog, kev muaj feem cuam thiab kev saib xyuas ua ke ntawm cov Txiv Plig thiab cov neeg ntseeg.
Nws hais txog Is Ntos Nes Xias tej kab lis kev cai sib xyaws, uas yog xeem lus hauv zej zog, cov suab paj nruag thiab lub Cim hauv tej kab lis kev cai uas pab Kav Tos Liv tej kev pe hawm, mus txog cov hauj lwm hauv lub Koom Txoos fab kev kawm, kev saib xyuas lub cev ntaj ntsug thiab kev ua hauj lwm rau zej zog uas tsis xav txog kev ntseeg los haiv neeg.
Ua ke ntawd nws kuj lees txog txhua yam kev txhawj xeeb nrog rau kev poob qab ntawm cov yuav ua Txiv Plig, kev saib xyuas kev qhia kev ntseeg uas tsis sib luag, thiab tej kev txwv uas ua teeb meem rau cov kab ke hauv kev ntseeg. Nws tseem thov kom paub tej ntawv nyob hauv Digital thiab kev sib xa xov kom ncaj ncees tuaj. Kom ntseeg tias Technology yuav ua ‘tus choj hauv kev sib tham ntau dua kev sib tawg.’ Thaum FABC lub rooj sab laj tsa nyob Jakarta, mas lub lub Koom Txoos Is Ntos Nes Xias vam tias tej yam kev paub hauv kev sib tham, kev ua hauj lwm thiab kev sib koom tes ntawm kev ntseeg thiab tej kab lis kev cai, yuav muaj feem pab kom lub Koom Txoos As Xias rov xav txog kev muaj vaj huam sib luag thiab cov hauj lwm ntiaj teb uas muaj ntau yam sib txawv zuj zus.
