Lub Cheeb Koom Txoos Fis Lis Pees thov kom sib koom teev Ntuj, xyuam xim thiab nqis tes ua nyob hauv cov xwm txheej phem.
Hauv tsab ntawv tshaj Ntuj Lus uas sau tawm hnub tim 15 lub 8 hli no, Tswv Qhia Ayubanuas yog tus saib lub Cheeb Koom Txoos thiaj thov kom cov neeg ntseeg saib kev nyab xeeb yog thawj yam tseem ceeb, thiab nrog saib xyuas txhob pub cov neeg raug kev kub ntxhov los ntawm huab cua phem. Tswv Qhia Ayuban hais tias : “Thaum tab tom ntsib huab cua phem uas ntuj los nag loj thiab dej nyab, ua kev kub ntxhov rau qee thaj tsam hauv peb lub Cheeb Koom Txoos lawm, kuv thov kom sawv daws ceev faj thiab saib pej xeem kev nyob nyab xeeb yog thawj yam tseem ceeb.” Tshwj xeeb tshaj nws thov kom muab siab rau txog cov neeg laus, cov me nyuam yaus, cov tuag tes tuag taw, cov yim neeg nyob hauv cov chaw dej nyab sai thiab cov neeg khiav tawm uas tau txais kev kub ntxhov los ntawm ntuj los nag loj. Tswv Qhia tau thov kom cov kav xwm ua hauj lwm rau kev txhim kho neeg lub neej. COSHP ntawm lub Cheeb Koom Txoos ua hauj lwm nrog cov xib hwb hauv tsev teev Ntuj, thiab cov neeg ua hauj lwm rau cov thaj tsam raug dej nyab. Tswv Qhia hais tias :
“Kuv thov kom cov kav xwm ua hauj lwm txhim kho neeg lub neej (COSHP) hauv peb lub tsev teev Ntuj, nrhiav neeg thiab ua hauj lwm nrog lwm lub tsev teev Ntuj.”
Nws hais tias cov neeg nyob hauv tsev teev Ntuj tsim nyog yuav raws qab nyias cov pej xeem. Qhia cov xav tau kev pab thiab tham txog kev pab cuam rau cov Koom Haum pab neeg hauv zej zog. Cov ua hauj lwm hauv lub Cheeb Koom Txoos yuav tau ceeb toom cov neeg ntseeg tias ; kev ua hauj lwm ntawm lub Koom Txoos tsim nyog ua nrog kev thov Ntuj. Tshwj xeeb tshaj yog cov uas tau txais kev kub ntxhov los ntawm dej nyab thiab huab cua pauv ntxeev.
Dhau ntawm muab kev pab cuam sai lawm, Tswv Qhia Ayuban tseem txhib kom cov neeg ntseeg saib kev kub ntxhov yog lub caij ua tawm txog kev sib koom siab ntawm cov neeg ntseeg hauv kev nqis tes ua, kom pom tias muaj kev txhawj xeeb txog lwm tus. Tswv Qhia hais tias : “Hauv lub caij zoo li no thov kom peb ua lub Koom Txoos uas nyob ntawm ib sab, muab siab rau thiab npaj txhij yuav pab lwm tus.”
Nws txhib kom tsoom pej xeem rov sib saib xyuas lawv thiab muab kev nyab xeeb ua qhov nruab nrab hauv tej kev ua nyob hauv lub caij ntuj nag. Nws thov kom kev txhawj xeeb uas peb muaj ua ke thiab rais ua kev ua tawm los ntawm kev ntseeg thiab yog kev sib koom siab ntawm cov neeg ntseeg.
Nws xaus nws cov lus uas thov kom cov neeg ntseeg sib pab thov Ntuj txuag cov yim neeg thiab tsoom pej xeem. Nws muab lawv tso nyob hauv Niam Mab Liab kev saib xyuas, thiab hais tias Niam Mab Liab yog lawv niam. Lub Cheeb Koom Txoos cov lus thov yog nyob hauv lub caij dej nyab thiab ntuj los nag. Yog qhov txaus ntshai ntawm tsoom pej xeem. Tshwj xeeb tshaj yog nyob hauv cov chaw qis thiab dej nyab tau sai. Los ntawm kev ua hauj lwm hauv tsev teev Ntuj, pab neeg ua hauj lwm thiab tej hauj lwm ua rau zej zog, lub Koom Txoos tab tom txhib kom Kav Tos Liv hloov kev txhawj xeeb mus ua kev pab cuam. Ua ke ntawd kuj txuag kev teev Ntuj cia ua lub zog thiab kev sib koom siab.
