Leej tij SVD muab nws lub neej cob li cas rau tus me tshaj plaws, tus kawg thiab tus ploj mus lawm

Nyob hauv plawv nroog Cebu uas yog lub nroog Poj Vaj nyob Fis Lis Pees qab teb, yog qhov chaw nyob ntawm cov pej xeem Society of the Divine Word (SVD). Yog lub tuam tsev 8 txheej siab nyob nruab nrab hauv lub nroog uas neeg nyob coob. Thiab ua qhov chaw ib yim neeg ntawm cov Txiv Plig thiab cov neeg ntseeg. 

Cov pej xeem SVD nyob ze lub tsev kawm ntawv thiab lub xov tooj cua AM, uas qhia kev paub rau cov tub ntxhais hluas hauv lub tsev ntawv txheej siab San Carlos, thiab tshaj lub Tswv Ntuj lub Moo Zoo nyob hauv xov tooj cua hauv Radio Fuerza. 

Dhau ntawm qhov maj mam ua lawm, lawv kuj tsis tau hnov qab txog ib qho tseem ceeb ntawm kev tshaj Ntuj Lus, qhov ntawd yog kev sib fim thiab ua hauj lwm pab cov neeg pluag. Ib tug nyob hauv cov pej xeem no, xws li Leej Tij Paulino Bongcaras lees txais lub suab hu kom nws tawm ntawm nws qhov chaw mus, thiab muab nws lub neej los ua hauj lwm pab cov neeg pluag txom nyem.

Nws hais tias : “Nyob hauv kuv txoj kev xav uas kuv yog ib tug tub tshaj Ntuj Lus, nws yog txoj hauj lwm uas tsis tau sau tseg nyob hauv ntaub ntawv tias kom ua hauj lwm nrog tus neeg me, tus kawg thiab tus ploj mus lawm”.

Leej Tij Paulino Bongcaras hnub nyoog 77 xyoo, nws yog ib tug nyob hauv tsoom pej xeem SVD los tau 50 tawm xyoo. Nws niaj hnub ua hauj lwm pab tsoom pej xeem khaws khib nyiab. Nws tsis tau xav tias nws lub hnub nyoog laus yog teeb meem rau nws. Nws xav tias yog kev ua tawm ntawm lub tswv yim thiab lub zog muaj peev xwm.

Ua ntej Leej Tij Paulino yuav tuaj nyob hauv lub nroog Cebu, nws siv sij hawm feem ntau mus tshaj lub Moo Zoo nyob hauv SVD lub tsev loj faj. Qhov no ua kom nws paub tias cov neeg raug txim feem coob yog tuaj ntawm cov yim neeg pluag txom nyem tuaj. Thiab yog cov tub ntxhais hluas uas raug ntxias mus ua tej yam phem tej yam tsis zoo. Nws nrog cov me nyuam yaus thiab cov tub ntxhais hluas sib fim zoo, ces nws rais ua ib tug tij laug hlob nyob hauv lawv.