Kev tshaj xov xwm cuav ua kom cov tub ntxhais kawm ntawv mus tsim kev kub ntxhov rau cov Los Hees Yas.

Kev tshaj xov xwm cuav ua kom cov tub ntxhais kawm ntawv mus tsim kev kub ntxhov rau cov Los Hees Yas.

Cov tub ua hauj lwm fab tib neeg kev ncaj ncees thiab cov soj ntsuam teeb meem qee leej hais tias : cov tub kawm ntawv txheej siab tau mus tsim kev kub ntxhov nyob hauv qhov chaw cov Los Hees Yas nyob, hauv lub xeev Aceh 2 hnub dhau los. Vim lawv tau txais lub zog los ntawm cov xov xwm cuav uas lawv hnov, thiab muaj qee leej kuj yog cov tsim kev kub ntxhov nyob hauv kev xaiv tsa txhua txhua zaus.
Lawv kev pom zoo yog tshwm sim nyob hauv lub suab xyav tias “Tsis muaj kev ncaj ncees” uas kheev kheev tshwm sim. Ua rau cov tub kawm ntawv quab yuam cov neeg thoj nam 137 nyob hauv Banda Aceh, feem coob yog cov poj niam thiab cov me nyuam yaus kom nce tsheb mus rau lwm qhov chaw.
Tam sim no cov Los Hees Yas nyob hauv cov tub rog tuav kev ruaj ntseg txoj kev saib xyuas. Cov kws soj ntsuam coob leej hais tias : txhua yam uas cov tub kawm ua raug kaw tseg ua Video thiab tso tawm mus dav heev, nws tsis yog kev ua xwm yeem ntawm cov tub kawm ntawv uas tawm tsam nyob Aceh.
Hendra Saputra tus ua hauj lwm nrog Jesuit Refugee Service (JRS) Is Ntos Nes Xias uas yog ib lub Koom Haum txhim kho nyob Aceh hais tias : nws xav tias cov xwm txheej no nws tsis yog tshwm sim nws, tab sis yog txoj cai thiab kev ua kom muaj txoj cai. Nws hais rau BenarNews tias cov tub kawm ntawv tau txais lub zog txhawb nqa los ntawm Social Media uas tshaj tawm txog kev ntxub ntxaug thiab cov xov xwm uas tsis tau hais txog cov Los Hees Yas.
Kev tshaj tawm tseem liam cov thoj nam tias lawv sib txeeb txhiam xws noj thiab chaw nyob mus txog rau kev quab yuam mos deev thiab ua ntau yam tsis zoo. Tas txhua yam no yog kev iab hiam uas tsis muaj pov thawj los zeem tseeb txog tej yam hais no.
Dhau no lawm, cov neeg thoj nam tsis ua tau lub nra rau cov tseem hwv, vim tseem hwv tsis tau siv nyiaj yug lawv.