Tswv Qhia Vergara tau tsa ib tug poj niam 75 xyoos uas tuag nyob hauv xyoo 2011 ua tim khawv ntshiab. Nws tau muab tus kheej los ua hauj lwm pab lub Cheeb Koom thiab cov neeg pluag nyob Mas Nis Las hauv xyoo 2002. Vaj Qhia Zam Paj Lug Ob kuj tau muab qhov paj tshab Mother Teresa of Calcutta rau nws.
Nyob hauv lub Cheeb Koom Txoos Pasig uas nyob Mas Nis Las, Tswv Qhia Vergara tau qhib lub Koom Txoos cov hauj lwm tsa tim khawv thiab kev tshaj ua Leej Ntshiab ntawm Laureana Ka Luring Franco tus xib hwb qhia kev ntseeg. Lawv zeem tseeb tias tas cov hauj lwm thiab tej keeb kwm yog los ntawm tus poj niam ntawd yog tus sau. Yav tag los nws yog ib tug tub koom tes ntawm Legion of Mary thiab siv tas nws lub neej los ua hauj lwm pub rau lub Cheeb Koom Txoos thiab cov neeg pluag. Tus sawv cev mloog cov lus piav thiab ua tas txhua yam hais txog kev ceeb toom cov tim khawv, uas tsa nyob hauv lub tsev teev Ntuj hwm Leej Ntshiab Anne hauv lub Ceeb Koom Txoos nyob nroog Taguig, ze lub tuam ceeb Mas Nis Las. Erickson Javier tus piav tas txhua yam tshwm sim no, tau muab supplex libellus thiab Ka Luring lub neej tes hauj lwm cev rau Tswv Qhia. Thaum nyeem tej ntaub ntawv Javier tau piav txog tus poj niam no lub peev xwm hauv kev qhia kev ntseeg nyob hauv lub Cheeb Koom Txoos Pasig. Tswv Qhia Vergara cog lus tias : “Peb yuav thov Ntuj ntxiv mus, pub rau kev tshaj Tswv Ntuj cov tim khawv ntshiab thiab cov Leej Ntshiab.”
