Kev haus cawv xyaw Mathanol ua rau cov neeg pluag txom nyem nyob hauv lub xeev Tamil Nadu tuag coob leej.

Kev haus cawv xyaw Mathanol ua rau cov neeg pluag txom nyem nyob hauv lub xeev Tamil Nadu tuag coob leej.

Cov neeg tuag los ntawm kev haus cawv xyaw tshuaj Methanol nyob hauv lub nroog Kallakurichi muaj 50 leej lawm. Tam sim no muaj cov pw kho mob nyob hauv tsev kho mob 100 leej. Txiv Plig Devasagayaraj hais tias :

cov neeg txom nyem tshaj plaws yog cov tau txais kev kub ntxhov ntau tshaj. Tshwj xeeb yog cov neeg Dalits uas lawv tsis muaj nyiaj yuav tau cov cawv zoo zoo los haus. Cov tseem hwv yuav tsum nrog cov khw muag cawv saib xyuas txog kev muag cawv nyob hauv lub xeev Tamil Nadu.

Kallakurichi yog ib lub nroog nyob deb ntawm lub tuam ceeb Chennai li 200 km. Cov neeg tuag feem coob yog cov neeg Dalit uas lawv yog cov neeg pluag txom nyem, vim lawv tsis muaj kev lag luam. Thiab tseem muaj lwm tus neeg tuag nyob hauv cov zej zog nyob sib ze ntawd. Txij hnub peb hauv lub lis piam tag los, lub tsev kho mob nyob hauv Kallakurichi muaj cov neeg mob puv nkaus los ntawm kev haus cawv. Ua rau cov tub ceev xwm nyob hauv cheeb tsam ntawd coob leej raug so hauj lwm thiab tos soj ntsuam lawv lub txim tso, vim lawv tsis tau muab siab rau txog lawv lub luag hauj lwm. M.K uas yog tus thawj coj pab nom nyob hauv lub xeev Tamil Nadu poob siab kawg, vim Stalin txiav txim nruj nruj rau cov neeg muaj feem cuam txog kev tuag. Tseem hwv muab 1 plhom Rupee los ua nqi taub hau them rau cov yim neeg uas lawv muaj neeg tuag, ib leeg yog 50,000 Rupee.