Ib tug kws qhia kev ntseeg neeg Singapore hais tias kev ua kom cov hluas muaj feem cuam txog kev ntseeg yog ib yam nyuab
Lub Cheeb Koom Txoos nyob Singapore xaiv thiab xyaum cov poj niam thiab txiv neej uas lawv tab tom ua Kav Tos Liv coj hauj lwm, kom los koom nrog lub Koom Txoos Kav Tos Liv. Kom lawv muaj kev npaj txhij yuav kawm txog kev qhia Tswv Ntuj lub cov lus rau lwm cov neeg ntseeg Kav Tos Liv yam puv npo.
Ib tug phooj ywg teem nws yuam kev, thiab nws tus phooj ywg kuj yog tuaj ntawm Holy Trinity tuaj. Nws hais tias lawv tab tom nrhiav cov neeg qhia kev ntseeg thiab John hais tias qhov no yog lub suab hu kom nws ua txoj hauj lwm no. Lub Cheeb Koom Txoos nyob Singapore teem lub 9 hlis no yog lub hlis qhia kev ntseeg.
Thaum muaj neeg nug tias dab tsi yog lub zog ua kom nws xav qhia ntseeg ? John hais tias : “Kuv xav kom kuv paub kev ntseeg ntau dua no, vim kev ua xib hwb qhia kev ntseeg ua kom kuv tshawb fawb ntxiv. Li ntawd, kuv thiaj txawj teb tej lo los nyuab nyuab ntawm cov hluas, xws li ‘yog Tswv Ntuj hlub peb, vim li cas nws ho cia peb txom nyem ?”
Tom qab saib Ntawv Ntshiab ib xyoos, thiab kawm kev ntseeg ib xyoos ntawm Txiv Plig Mike Schmitz uas yog neeg As Mes Lis Kas, tus qhia kev ntseeg nto npe, mas nws lub siab qhib thiab txawv txav. Qhov no pab kom nws muaj kev ntseeg, siab ruaj nreb thiab kev ua hauj lwm pab lub Koom Txoos ntawm John zoo dua qub.
Muaj ib yam uas John ntsib thiab nws hais tias : qhov ntawd yog ua kom cov hluas muaj feem cuam txog kev ntseeg hauv kev teev hawm. Nws pom tias kev sib faib tswv yim thiab yam nws tus kheej ntsib, kev muaj feem cuam ntawm ntiag tug ntau dua qub thaum lub caij nws qhia kev ntseeg rau cov hluas thiab lwm tus neeg.
