Haiv neeg Montagnard uas yog neeg ntseeg rov qab yws yws txog kev tsim txom neeg
Cov tub ceev xwm iab hiam tsoom pej xeem uas ntseeg Evangelical ntawm tus Txiv Plig Aga. Kev hem thiab cheb ntxuav tab tom muaj heev zuj zus, yog los ntawm kev sib txeeb av ntawm cov haiv neeg tsawg thiab tseem hwv cov Koom Haum. Tseem hwv ntseeg tias kev raws qab soj ntsuam cov kev teev hawm uas tseem hwv tsis lees txais, nws ua rau muaj kev tsis tiaj tus nyob hauv tej pab neeg.
Nyob hauv lub nroog Dak Lak uas yog ib lub xeev nyob toj siab hauv nruab nrab Nyab Laj teb, cov neeg ntseeg Evangelical tau yws yws txog kev iab hiam heev zuj zus los ntawm cov tub ceev xwm. Cov neeg ntseeg Evangelical hauv haiv neeg Montagnard yog ib pab neeg ntseeg ruaj khov, tab sis tseem hwv tsis kam lees txais lawv txoj kev cai. Txiv Plig Aga uas tam sim no nws khiav nkaum nyob As Mes Lis Kas teb hais rau Radio Free Asia tias : kev sib ntaus sib tua muaj heev zuj zus los ntawm ob pab neeg nyob hauv lub xeev sib tawm tsam lub 6 hli xyoo no, thiab ua rau neeg tuag 9 leeg.
Hnub tim 15 lub 11 hlis tag los, cov tub ceev xwm thiab cov tub tseem hwv tau txwv tej kab lis kev cai cov neeg ntseeg ua thiab hiam tias lawv txoj kev teev hawm tsis raug cai. Cov xwm no tshwm sim nyob hauv ib lub tsev uas muaj 10 tawm leej neeg sib sau ua ke.
2 hnub tom qab, tub ceev xwm hu lawv mus soj ntsuam thiab quab yuam lawv kom sau npe cog lus tias lawv yuav tsis sib ntsib ntxiv, tab sis lawv tsis kam sau npe cog lus.
Hnub Chiv tag los, cov tub ceev xwm rov tuaj ntawm qhov chaw lawv ua thaj txi Ntuj. Cov tub ceev xwm quab yuam kom lawv tso txoj kev ntseeg Evangelical pov tseg. Tub ceev xwm hem tias yog lawv tseem coj ntxiv mus, mas lawv yuav raug nplua nyiaj thiab raug kaw nkuaj xws li Y Krec Bya thiab Nay Y Blang.
