Cov Txiv Plig nyob Wenzhou thov lub pwm tsav kev teev hawm rau Txiv Plig ”Mas”, tus nyiam lub teb chaws

Nyob hauv lub Cheeb Koom Txoos zais ntshis uas Txiv Plig Shao raug ntes. Cov Txiv Plig zwm rau tseem hwv tawm tus qauv tsev teev Ntuj tshiab thiab lawv txiav txim siab tias : tsuas muaj Txiv Plig xwb thiaj ua tau. Cov xwm no tshwm sim tom qab cov tub ceev xwm txwv tsis pub cov neeg ntseeg ua thaj txi ntuj nyob hauv tsev teev Ntuj, hnub tim 11 lub 8 hli no.

Cov Txiv Plig Kav Tos Liv uas nce npe rau tseem hwv tau sau ib tsab ntawv mus rau lub pwm tsav kev teev hawm nyob Zhejiang, kom lawv tawm tsam kev kub ntxhov nyob hauv lub Cheeb Koom Txoos Wenzhou. Cov lus hais nyob hauv hnub tim 16 lub 8 hli no thiab yog los ntawm cov neeg ntseeg Kav Tos Liv hauv zej zog. Txiv Plig Jin Mengxiu tsis txaus siab rau qhov cov tub ceev xwm txwv lawv tsis pub ua thaj txi Ntuj hnub tim 11 lub 8 hli. Cov tsev teev Ntuj uas tsis tau txais kev saib xyuas raws tus txheej txheem tshiab ntawm cov Txiv Plig kev txiav txim siab ntau lub hlis tag los. Muaj Txiv Plig Ma Xianshi uas yog tus Txiv Plig nyiam lub teb chaws yog tus saib cov neeg ntseeg nyob hauv lub zos ntawd. 

Lub Cheeb Koom Txoos Wenzhou yog qhov chaw uas cov neeg ntseeg raug hiam los ntau xyoo lawm. Qhov tiag raws txoj cai kev teev hawm, mas lub Cheeb Koom Txoos nws muaj nws Tswv Qhia. Yog Tswv Qhia Shao Zumin uas tam sim no nws muaj 61 xyoos. Nws raug tsa ua Tswv Qhia los zwm rau Vaj Qhia xyoo 2011. Thiab yog tus hloov Tswv Qhia Zhu Wei Fang uas xub ua Tswv Qhia ua ntej no thiab nws tuag xyoo 2016. Txawm li cas kuj xij, kev tsis kam zwm rau tseem hwv Suav raws txoj cai uas tseem hwv Suav Pej Ceeb teeb tseg rau cov neeg ntseeg Kav Tos Liv mus koom. Thiab tsis tau txais kev tso cai ntawm tseem hwv Suav, mas txhais tias tsis muaj Tswv Qhia. Thiab thov kom muab lub hwj chim kav cov neeg ntseeg Kav Tos Liv hauv zej zog rau Txiv Plig Ma Xianshi