Cov sawv cev tau txais kev txhib kom qhia kev rau cov paub Yes Xus nyob hauv lub thaj txi Ntuj tos txais kev sau siab cov tub tshaj Ntuj Lus Online nyob As Xias thawj zaug.
Txiv Plig Felmar Fiel hais nyob hauv lub thaj txi Ntuj qhib lub rooj sau siab cov tub thaj Ntuj Lus Kav Tos Liv Online nyob As Xias thawj zaug hauv teb chaws Fis Lis Pees tias : “Cov tub tshaj Ntuj Lus Online tsis yog raug hu kom muaj hwj chim nyob hauv Online xwb, tab sis yog qhia kev rau neeg tau ntsib Yes Xus. Yuav vam txog kab lis kev cai ntawm cov neeg Fis Lis Pees uas nyiam siv qhov ncauj qhia kev. Txiv Plig Felmar tau muab qhov no los hais ua piv txwsv nrog cov hauj lwm ntawm cov tub tshaj Ntuj Lus Online. Kev sau siab zaum no yog nyob hauv lub ntsiab lus “Ntawm cov muaj hwm chim mus txog kev ua pov thawj ntawm cov tshaj lub Moo Zoo. Kev muaj feem cuam hauv Synodal rau cov hauj lwm digital nyob As Xias.”
Muaj cov tub xov xwm thiab cov muaj hwj chim hauv Kav Tos Liv Online li ntawm 100 tawm leej nyob thoob As Xias teb tuaj sib sau ua ke.
Txiv Plig Felmar yog tus coj lub Txoos. Muaj Txiv Plig John Mi Shen, Txiv Plig Cyril Victor koom nrog. Hauv cov lus nthuav ntawv Moo Zoo, Txiv Plig Felmar hais txog choj thiab ua tus tuam choj, kom tau qhia txog lub Koom Txoos cov hauj lwm nyob As Xias. Nws hais tias : “Tab txawm As Xias teb muaj ntau yam sib txawv, tsis hais hauv xeem lus, kab lis kev cai thiab kev ntseeg. Tsis kav cov neeg ntseeg kuj tseem yog ib feem ntawm tus yam ntxwv sib koom ua ke.”
Nws hais tias : “Peb yog Leej Pleev tug, peb yog peb tug thiab peb yog ib feem ntawm haiv neeg.” Platform digital tuaj yeem ua tus choj tuam mus rau qhov chaw lub Koom Txoos mus tsis txog ua tus neeg, tej yam tso tawm nyob Social Media, kev nyob Live los yog tej yam nyob hauv digital tuaj yeem pub lub caij rau neeg hnov txog lub Moo Zoo. Nws hais tias : “Tej zaum qhov koj tso tawm kuj ua tus choj coj ib tus neeg twg mus ntsib Yes Xus tau.”
Dhau no lawm Txiv Plig Felmar tseem hais txog Paj Lug thawj tsab ntawv uas nws sau mus rau cov ntseeg nyob Kos Lis Nthos. Ua kom pom txog thawj pab neeg ntseeg pib ntsib tej yam sib txawv thiab kev xav tsis sib thooj. Tab sis Paj Lug qhia lawv txog tus yam ntxwv ntawm lawv nyob hauv Yes Xus tas mus li.
Yog peb qhia kom pom peb tus kheej xwb, mas peb tsuas yog tus muaj chim. Tab sis yog lub neej, lub tswv yim thiab platform digital ntawm peb qhia kom neeg pom txog Yes Xus, mas peb yog pov thawj. Cov tuaj koom sau siab nyob thoob As Xias teb koom qhib lub rooj sau siab hauv lawv cov khaub ncaws. Ua kom pom txog ntau yam kab lis kev cai hauv kev sau siab. Txiv Plig John Mi Shen hais lus tos txais cov sawv cev uas yog nco txog Vaj Qhia Paj Lug 6, Vaj Qhia Zam Paj Lug Ob thiab Leej Ntshiab Tes Les Xas lawv tau mus tsham dua RVA thiab muaj hwj chim rau lwm tus hauv lawv lub neej ua pov thawj thiab lawv tus piv txwv.
Kev sau siab cov tub tshaj Ntuj Lus Online nyob As Xias thawj zaug tseem muaj nyob RVA mus txog hnub tim 13 lub 9 hlis. Yog hais txog cov tub tshaj Ntuj Lus Online muaj feem cuam hauv lub Koom Txoos cov hauj lwm hauv cov Cheeb Koom Txoos thiab kev tshaj lub Moo Zoo kom ntau nyob As Xias teb tau li cas ?
