Cov neeg ntseeg Pas Kis Taas nyob Bangkok qhuas txog thawj pab neeg ntseeg ua ntej hnub tshaj tawm kev twj lij.
Kev tsuj xeeb yog npaj ua ntej hnub yuav tshaj tawm kev twj lij txwm 79 xyoos ntawm Pas Kis Taas teb, uas yog hnub tim 14 lub 8 hli. Lawv muaj ua lub thaj txi Ntuj thiab tus txheej txheem hauv kev nco txog uas yog Txiv Plig Bernard ua tus coj lub Txoos.
Tus Txiv Plig nyob hauv cov neeg Pas Kis Taas nyob Bangkok hauv lub ntsiab lus ‘kev ua hauj lwm ntawm cov neeg ntseeg nyob Pas Kis Taas’. Cov neeg tuaj sib koom tau thov Ntuj rau lawv tej qub zog thiab ua kev zoo siab cav txog lub teb chaws lub cuab tam. Txiv Plig Bernard hais txog kev muaj feem cuam ntawm cov neeg ntseeg hauv kev kawm, kev siab xyuas lub cev ntaj ntsug, kev pab zej zog, kev ua tub rog thiab lwm yam ntawm Pas Kis Taas. Cov neeg kuj tau nco txog tej tus neeg tseem ceeb hauv kev ntseeg, xws li tus qub thawj lub tsev txiav txim Alvin Robert, tus thawj tub rog Cecil Chaudhry thiab Eric Gordon Hall tus xub pib kev kho mob, tus kws txuj Ruth Pfau thiab Leej Phauj Ruth Lewis, tus tub ncaws pob Wallis Mathias, tus kws xuas qws ntaus pob roj hmab uas yog thawj tus neeg ntseeg nyob Pas Kis Taas teb. Cov neeg hais lus tau hais txog kev txhawj xeeb ntawm cov haiv neeg tsawg hauv kev ntseeg nyob Pas Kis Taas teb uas tab tom raug. Thov kom muaj vaj huam sib luag, muaj kev twj lij hauv kev ntseeg, muaj txoj cai txuag pov hwm thiab muaj cai sib luag zos hauv kev kawm thiab kev ntiav zog.
Kev tsuj xeeb zaum no tau sau tas cov yim neeg thiab cov tub ntxhais hluas tuaj ua ke. Lawv tau hu nkauj nyiam lub teb chaws thiab ua tawm txog kev sib raug zoo nrog Pas Kas Taas teb, tab txawm lawv nyob txawv teb chaws kuj xij. Cov tuaj sib koom tau xaus kev tsuj xeeb hauv kev thov Ntuj pub kev thaj yeeb, kev ruaj ntseg, kev sib haum xeeb hauv zej zog thiab kev lag luam. Tas ntawd lawv txiav qab zib (Cake), thiab noj haus lom zem ua ke.
