Church's Gift to the World Tswv Qhia Oswald Gracias tus coj lub Txoos qhib FABC lub rooj sab laj loj hais tias : “Synodal yog qhov paj tshab loj tshaj ntawm lub Koom Txoos muab rau lub ntiaj teb.”

Tswv Qhia Gracias uas yog tus coj lub Txoos qhib lub rooj sab laj nyob hauv lub tsev
txais qhua Mulia, nyob Jakarta hais tias :
“Lub Koom Txoos cov hauj lwm yog kev coj ib tsoom neeg tuaj sib sau ua ke thiab
tuam choj sib txuas. Peb txoj hauj lwm yog ua tus tuam choj.”

Lub thaj txi Ntuj ua kom pom txog ntau yam sib txawv nyob As Xias hauv tej kab lis kev
cai nyob Is Ntos Nes Xias teb. Kev thov Ntuj ntawm cov neeg ntseeg hauv ntau xeem
lus, thiab cov zaj thov Ntuj ntawm cov Leej Ntshiab uas coj tas cov Leej Ntshiab txiv
neej thiab poj niam nyob thoob xeev ntuj. Coj cov Tswv Qhia Liab, cov Tswv Qhia, cov
Txiv Plig, cov Leej Phauj thiab Leej Tij, cov sawv cev neeg ntseeeg tshaj 100 tawm leej
tuaj koom ua thaj txi Ntuj ua ke.
Hauv Tswv Qhia Gracias cov lus nthuav ntawv Moo Zoo, nws hais tias : “FABC lub rooj
sab laj zaum no tsis yog kev sab laj xwb, tab sis yog lub sij hawm rau lub Koom Txoos
As Xias tau tuav xam txog lub Cim ntawm txheej tshiab thiab txuas hnub nyoog ntawm
cov lus cog hauv ntawv Moo Zoo.” Nws hais txog kev sib kis tus kab mob COVID-19
tias : “Yog kev sim uas ua kom pom txog qhov muaj zog thiab kev sib koom tes ntawm
lub Koom Txoos As Xias. Thiab hais tias tsov rog, kev phem thiab kev nyiag noj nyiaj
yog qhov tseem ceeb ntawm kev txhawj xeeb.”
Nws hais tias Synodal yog qhov paj tshab ntawm lub Koom Txoos thiab zej zog. Yog
qhov muaj nqis hauv kev mloog, kev muaj feem cuam, kev qhib siab thiab kev saib
xyuas ua ke. Yog qhov yuav coj mus txog kev thaj yeeb, mus txog kev tswj hwm zoo
thiab kev sib haum xeeb nyob thoob As Xias tau. Thaum xaus lub thaj txi Ntuj, Tswv
Qhia Gracias tau txhib kom sawv daws nrhiav lub tswv yim tshiab, muab siab rau tsim
kev thaj yeeb thiab kev ua kwv ua tij nyob hauv xeev ntuj.
Nws hais tias : “Thov Tswv Ntuj foom hmoov zoo rau FABC, thiab thov Tswv Ntuj foom
hmoov zoo rau As Xias teb.”