Vaj Qhia Leo 14 thov kom lub Koom Txoos muaj tub tshaj Ntuj Lus : “Qoob zoo sau muaj ntau heev.”
Vaj Qhia cov lus hais hauv Angelus, hauv lub tshav puam hwm Leej Ntshiab Pob Zeb. Vaj Qhia Leo 14 rov txhib kev muab siab rau hauv kev tshaj lub Moo Zoo ntawm lub Koom Txoos. Nws txhib kom cov neeg ntseeg yog tus zoo siab ua hauj lwm hauv Tswv Ntuj kev sau qoob loo. Nyob hauv lub ntiaj teb uas tshaib nqhis txog lub ntsiab lus, kev ncaj ncees thiab kev cawm.
Hauv kev rov xav txog Lus Kas ntawv Moo Zoo zaj 10, qib 1-12+17-20.
Vaj Qhia tau txais lub zog txhawb siab los ntawm qhov Yes Xus xa 72 tug Thwj Tim mus tshaj lub Moo Zoo. Nws hu qhov no ua lub Cim meej tseeb ntawm lub Koom Txoos cov hauj lwm. “Kev cia siab hauv lub Moo Zoo, muaj rau sawv daws.”
Vaj Qhia hais tias : “Ntawd yog kev qhib siab dav ntawm Tswv Ntuj thiab kev zoo txhij txhua ntawm Tswv Ntuj kev sau qoob loo.”
Vaj Qhia Leo 14 ceeb toom tias kev ntseeg txhob qaug zog, vim nws yog lub Cim ntawm daim ntawv thiab kev ua hauv qee ntu xwb. Nws txhib kom cov neeg ntseeg lees txais kev ua thwj tim thiab tshaj lub Moo Zoo txhua txhua hnub. Tsis yog tias ua vim txoj hauj lwm, tab sis yog ua pov thawj txog Tswv Ntuj lub Ceeb Tsheej yam txaus siab hlo. Lub Koom Txoos thiab lub ntiaj teb xav tau tus neeg ua hauj lwm hauv kev ntseeg zoo li cov kab ke. Peb xav tau cov poj niam txiv neej ua hauj lwm qhia kev ntseeg. Xav tau tus thwj tim tseb lub Moo Zoo hauv tsev, hauv chaw ua hauj lwm, hauv zej zog, hauv cov neeg pluag txom nyem thiab hauv cov neeg raug tso pov tseg.
