Thawj hnub ntawm Vaj Qhia Leo 14 hauv xyoo 2026 : “Yog tsis muaj txoj kev xav zoo, mas kev nthuav daim ntawv xam nyoog kuj tsis muaj qab hau.”
Hauv lub thaj txi Ntuj hnub tsuj xeeb Niam Mab Liab uas yog Tswv Ntuj leej niam. “Lub ntiaj teb tsis yog dim los ntawm kev siv riam phom, tab sis yog los ntawm kev muab siab rau tsim kev sib nkag siab thiab kev sib zam.” Thov kom peb pib nyob hauv hnub no uas yog tsim kev thaj yeeb thiab tso tseg tej riam phom nyob hauv peb nruab siab thiab zam txhua yam kev phem. Nod yog Vaj Qhia Leo 14 cov lus thov Ntuj, uas nws hais rau cov neeg ntseeg nyob hauv thawj hnub xyoo 2026. Hauv lub Koom Txoos kuj zoo ib yam li txhua xyoo, yog hnub kev thaj yeeb nyob ntiaj teb.
Vaj Qhia tau tshaj nws tsab ntawv ob peb hnub dhau los no hauv lub ntsiab lus tias : “Thov kom nej sawv daws muaj kev thaj yeeb nyab xeeb. Yog kev thaj yeeb tsis muaj riam phom thiab tso tseg riam phom.”
Xyoo 2026 yog xyoo txwm 800 xyoo ntawm Leej Ntshiab Fas Ntshis Kus txoj kev tuag, ces Vaj Qhia thiaj foom hmoov zoo rau sawv daws. Nws hais cov lus nyob hauv Ntawv Ntshiab hais tias : “Thov Tswv Ntuj foom hmoov zoo rau nej thiab txuag nej. Thov Tswv Ntuj khuv leej nej. Thov Tswv Ntuj dauv muag los ntsia nej thiab pub kev thaj yeeb rau nej.”
