Tus Tswv Qhia tshiab hais tias : Aws Los Pas teb tab tom rais ua qhov chaw tshiab nyob sab nraud ntawm lub Koom Txoos Kav Tos Liv.
Tus Tswv Qhia tshiab uas raug xaiv tsa los ntawm 3 xeev ntuj hais tias : lub Koom Txoos nyob qab ntiaj teb muaj ntau yam khoom plig yuav faib rau lub ntuj sab hnub poob. Txhua yam no kuj yog nrog rau kev zoo ntawm cov Txiv Plig thiab txoj kev ntseeg uas muaj kev zoo siab puv npo.
Thaum Vaj Qhia hais txog qhov chaw nyob sab nraud, mas kuv xav tias qhov chaw sab nraud tab tom txawv txav. Tej zaum qhov chaw sab nraud tab tom txav mus rau sab hnub poob. Yog tus Tswv Qhia Kikuchi nyob Tos Kis Yaus hais teb rau CNA hauv lub rooj sab laj cov Tswv Qhia hnub tim 8 lub 10 hli no.
Muaj tus Tswv Qhia Bessi Dogbo nyob Korhogo, Ivory Coast thiab Tswv Qhia Jaime Spengle uas nyob Nplas Xis teb koom nrog kev sab laj thiab.
Lawv 3 leeg yog cov muaj feem cuam hauv lub Cheeb Koom Txoos thiab yuav raug xaiv ua Tswv Qhia Liab nyob hauv lub rooj sab laj hnub tim 8 lub 12 hlis tom ntej no, raws li Vaj Qhia cov lus ceeb toom nyob hauv Hnub Chiv.
Tus Tswv Qhia uas tsa los ntawm Ivory Coast hais tias : lub Cheeb Koom Txoos tau tuav xam txog lub ntsiab lus yuav sib pauv khoom plig rau lub lis piam tom ntej.
“Peb cov uas tuaj ntawm lub Cheeb Koom Txoos nyob Africa, peb tuaj yeem hais tau tias lawv puag txom nyem tab toob xib. Tab sis fab ntsuj plig, mas cov Cheeb Koom Txoos no nplua nuj kawg thiab lawv txoj kev ntseeg muaj kev zoo siab puv npo.”
Nov yog yam uas peb xav faib rau lub Koom Txoos nyob thoob ntiaj teb.
