Kev kaw lub xyoo ntshiab, Vaj Qhia nug tias hauv lub Koom Txoos puas muaj chaw seem rau yam tshiab yuav tshwm sim ?

Kev kaw lub xyoo ntshiab, Vaj Qhia nug tias hauv lub Koom Txoos puas muaj chaw seem rau yam tshiab yuav tshwm sim ?

Lub Qhov Rooj Ntshiab ntawm lub tuam tsev teev Ntuj Leej Ntshiab Pob Zeb, uas Vaj Qhia Fas Ntshis Kus tau caij lub tsheb thawb hla thawj zaug hauv hmoov tsuj xeeb Yes Xus yug los xyoo 2024 raug kaw tseg lawm. Vaj Qhia Leo 14 tawm tuaj hauv hnub tsuj xeeb Yes Xus yug los thiab nws tau kaw lub qhov rooj uas yog lub Cim Ntshiab hauv kev cia siab 2025.

Kev tshaj tawm ntawm Vas Tis Kas tshaj tawm tias ; muaj cov neeg tawm rooj fiv ntuj ze ntawm 33 plhom nyob thoob ntiaj teb tuaj hla lub Qhov Rooj Ntshiab hauv xyoo ntshiab 2025 tag los. Cov neeg tuaj ntawm As Xias teb mus rau Los Mas muaj yuav luag txog 8 feem pua, hos cov neeg Suav yog tim 8 ntawm cov teb chaws nyob thoob ntiaj teb uas mus rau Los Mas.

Tswv Ntuj yuav ua kom peb xav tsis thoob ntxiv mus, tshwj xeeb tshaj yog tias peb tej zej zog yog lub tsev, yog tias lawv "tiv taus kev qhuas thiab kev ntxias ntawm cov neeg muaj hwj chim, mas peb yuav yog tiam neeg ntawm lub hnub tshiab.

Hais txog Vaj Qhia Leo 14, mas cov kws txhais yeej muaj tiag nyob hauv zim txwv no. Lawv yog tus neeg paub txog qhov tsim nyog uas yuav tawm mus nrhiav. Lawv txaus siab yuav tiv tej kev txom nyem hauv lawv txoj kev tawm rooj. Tshwj xeeb tshaj yog peb lub ntiaj teb uas muaj kev kub ntxhov, tsis muaj qhov txaus siab thiab muaj kev ntshai ntau ntau yam. Xyoo tsuj xeeb qhia peb tias ; peb yuav pib dua tshiab. Vim qhov tseeb tiag peb tseem nyob hauv qhov pib thiab Tswv Ntuj xav kom nws yog tus nyob nruab nrab hauv peb.