Muaj ntau phau ntawv piav txog ntsuj rog txias nyob Los Tsuas teb. Air America tau txais kev qhuas thiab tsim nyog tau txais dav hlau, tib neeg thiab riam phom los txhawb nqa cov Hmoob thiab Nplog tua cov koom tshaj nyob hauv lub teb chaws.
Txawm li cas kuj xij, tsis yog tias Air America tib leeg li hais no xwb, tseem muaj lwm cov dav hlau nyob Los Tsuas teb lub sij hawm ntawd thiab, yog Continental Air SerVices Inc, los yog CASI uas sawv daws paub zoo.
CASI ua tus saib xyuas 22 lub dav hlau, feem ntau yog hom dav hlau STOL uas sawv ya thiab tsaws sai. Thiab ntiav 350 tus neeg ua hauj lwm nyob hauv dav hlau thiab cov tsav dav hlau. Raws li lub Tsev Vas (Website) www.wikipedia.com tshaj tawm.
CASI lub hom phiaj uas ib txwm muaj, yog kev siv dav hlau thauj txhua yam kev pab rau kev txhim kho, kev soj ntsuam roj a thiab cov Koom Haum tub zog mus txog rau kev cog lus nrog USAID thiab tseem hwv lwm fab hauj lwm. Vim CASI ua hauj lwm raws kev cog lus nrog tseem hwv As Mes Lis Kas. CASI thiaj yog tus txuas lus nrog As Mes Lis Kas (lub caij ntawd yog John F. Kennedy ua Txoov Tim Tswv).
CASI cov hauj lwm nyob Los Tsuas teb yog ya dav hlau nrog USAID (fab hauj lwm kev txhim kho cov teb chaws ntawm As Mes Lis Kas thiab CIA).
Dhau no lawm CASI tseem ua cov hauj lwm hla mus rau Nyab Laj teb thiab Thaib teb hauv xyoo 1965 txog 1975, uas yog xyoo Los Tsuas teb swb tsov rog. Tom qab 1 lub hlis ntawm Saigon (Hom Cis Mees) swb tsov rog nrog Nyab Laj qaum teb.
