Lub pwm tsav fab kev kawm txuj hais tias : muaj 1,000 daim Visa kawm ntawv yuav raug rho tawm. Vim muaj kev ntes tsis tu ncua, tshwj xeeb tshaj yog hauv lub xeev Chiangmai thiab lub xeev Phuket. Ua kom pom txog kev hla txoj cai Visa uas muaj nyob hauv tej tsev kawm ntawv txheej siab, kuj raug hais tawm ib yam. Tab sis tsis muaj kev lees txog kev ua txhaum cai thiab liam tias yog kev nyiag noj nyiaj uas tsis ncaj ncees ntawm qee tus nom. Cov teeb meem no ua kom muaj kev caum ntiab thiab nrhiav ntes, yog soj ntsuam pom tias tus muaj Visa siv Visa nyob txhaum cai hauv lub teb chaws. Tej no tsis yog tej yam tshiab, vim Thaib teb yeej muaj kev feeb meej li no los ntev lawm. Hais txog kev cheem tsum ntawm ib lub teb chaws uas qhib dav rau cov tub kawm ntawv, thiab Visa uas ua rau cov neeeg phem tau zoo kev ua phem heev zuj zus. Thiab yog kev pub Visa uas tsis xyuam xim. Kev ntes cov neeg txawv teb chaws ua ntu zus nyob hauv ntau lub xeev, nrog rau Chiangmai thiab Phuket.
Hauv ib cheeb tsam uas nyob ncig tuam ceeb Npaas Koj, kuj hais txog tej xwm txheej no thiab. Cov xwm txheej no tshwm sim tau, vim kev sib tuav tswv yim ntawm cov neeg nyob txawm thiab cov nom tswv tsis quav ntsej txog.
