Thaib teb raug thov kom tso tseg kev quab yuam rov qab thiab tso cai rau cov neeg Myanmar ua thoj nam
Fortify Rights thov kom tseem hwv Thaib tso lus kheev rau cov neeg Myanmar ua neeg thoj nam thiab daws kho txoj cai cov neeg nyiag nkag teb chaws. Tom qab uas cov neeg Myanmar raug quab yuam xa rov qab mus Myanmar teb 650 leej.
Pab neeg txhawb nqa hais tias : lawv pom cov teeb meem uas cov tub rog Thaib tau ua hnub tim 24 lub 4 hlis tag los. Cov tub rog Thaib tau muab cov neeg Myanmar uas khiav tuaj nyob hauv lub nroog Maesod, lub xeev Tak xa rov qab mus Myanmar teb.
Cov nom Thaib hauv lub rooj pwm tsav thiab Fortify Rights thiaj tau mus tsham lub nroog Maesod, kom tau tuav xam thiab soj ntsuam hais txog cov neeg thoj nam Myanmar.
Hnub tim 24 lub 4 hlis tag los, Fortify Rights soj ntsuam pom cov tub rog Thaib xa 200 tawm tus neeg Myanmar mus rau qhov chaw tshiab uas yog (TSA), uas sawv daws paub nyob hauv lub npe “Nong Wua Daeng Farm”.
Raws kev soj ntsuam hauv cov neeg thoj nam ntawd, muaj cov poj niam, cov me nyuam yaus thiab cov neeg laus raug quab yuam hla tus niam dej Moei rov qab mus rau lub xeev Karen uas nyob Mias Mas teb thiab yog qhov chaw sib ntaus sib tua
