Ntau txhiab tus neeg ua liaj ua teb ntshai raug ntiab tawm. “Peb nyob ntawm no los tshaj 40 tawm xyoo lawm.”

Muaj cov yim neeg ua liaj ua teb li ntawm 3,600 yim nyob hauv lub nroog Vavuniya, nyob Xis Laas Kas teb. Lawv tau hnov lus ceeb toom tias; kom lawv khiav tawm ntawm lawv tej av mus rau hnub tim 15 lub 8 hli no. Ces txhais tias lawv tej av uas poj yawm txwv koob tseg cia tab tom yuav raug txeeb mus. 

Tsoom pej xeem hais tias lawv ua noj ua haus ntawm thaj av no los tau 40 tawm xyoo, thiab dim ntawm kev ua tsov ua rog los, vim kev txhawb nqa ntawm cov tub rog Xis Laas Kas. Lawv tau txais ntawv ceeb toom ntawm cov nom tias; kom tso lawv tej av tseg. “Vim lawv tsis tau txais lus tso cai ua tus kav tseem hwv lub cuab tam.” Kev ceeb toom no yog qhov ntxhov siab thiab ua kom tsoom pej xeem taij thov kev pab.

Ntau xyoo dhau los no vim tsoom pej xeem tej kev khwv, ces tej liaj teb nyob ib ncig thiaj raug luaj raug ntov. Zej zog muaj dua tej tsev tshiab, tej liaj teb muaj liaj muaj teb ntau ntxiv. Tej no yog tom qab kev piam sij los ntawm tsov rog mas mam li muaj. Tsoom pej xeem hais tias ntau xyoo dhau los no, lawv tau txais kev pab nyiaj pab chiv thiab them se rau Mahaweli. Lawv kev cog qoob loo tau txais kev tso cai los ntawm tseem hwv, nyob hauv lub npe lub zos Saubagya tsim tawm. Thaum chiv thawj nws yog 40 acres xwb, tab sis tom qab no tau nthuav dav ntxiv lawm.