Nrog nraim kev thaj yeeb mus li. (Always side for peace)
Lub Koom Txoos txoj kev xav hais txog tsov rog thiab kev thaj yeeb.
Lub Koom Txoos pom tias kev thaj yeeb yog zoo li Yes Xus lub cuab tam. Tus uas yog Leej Tub ntawm kev thaj yeeb, tus uas loj tshaj thiab yog kev nyiam kev hlub ntawm Tswv Ntuj. Li ntawd, nws thiaj muaj kev xav txog yav tom ntej deb dua kev tso tseg riam phom thiab kev sib tawg. Kev thaj yeeb tseeb tiag yog los ntawm Tswv Ntuj, thiaj cuam tshuam txog kev sib koom tes ntawm tib neeg uas nrhiav kev ncaj ncees rau txhua tus. Vim li no kev thaj yeeb thiaj yog daim duab qhia txog Tswv Ntuj lub Ceeb Tsheej. Tas hauv cov xyoo 1960, Vaj Qhia Zam 23 thiab Vaj Qhia Paj Lug 6, tau tshaj tawm nyob hauv tsab ntawv “xav tau kev thaj yeeb thiab tiv thaiv tsov rog hauv kev daws teeb meem” thiab tsab ntawv kev vam meej ntawm tsoom pej xeem tias :
“Kev thaj yeeb tsis tuaj yeem nyob tau, yog muaj kev tsis ncaj ncees. Kev tsis sib luag ntawm tsoom pej xeem thiab cov teb chaws hauv kev lag luam thiab lwm yam. Kev ntshaw lub hwj chim, kev nrhiav nyiaj uas tsis muaj chaw xaus, los yog thaum muaj kev sib tw hais txog riam phom. Qhov kawg thiab thaum twg kuj xij, uas tsis quav ntsej txog los yog hla txoj cai “hlub cov neeg nyob ze peb”, mas peb tsis tuaj yeem hais tau tias muaj kev thaj yeeb. Tsis yog kev thaj yeeb uas Tswv Ntuj xav muaj nrog peb.
Vaj Qhia Fas Ntshis Kus tau muab cov lus cog hais txog kev thaj yeeb thiab tsis siv kev ua phem hauv tsab ntawv ntiaj teb hnub kev thaj yeeb xyoo 2017, uas muaj lub ntsiab lus tias : “Tsis siv kev ua phem hauv kev tseev tsim, vim kev thaj yeeb.”
Nyob hauv tsab ntawv Fratelli Tutti xyoo 2020, Vaj Qhia Fas Ntshis Kus hais ntau tshaj no tias : “Tsov rog tsis yog kev tawm ntawm txhua yam teeb meem tau, thiab nws ceeb toom txog kev tawm tsam kev txhais lus ntawm txoj kev xav hauv tsov rog uas ncaj ncees yav dhau los.”
Nws hais ntxiv tias : “Tsov rog tuaj yeem xaiv tau yooj yim nyob hauv tej lus lam hais, uas raug hiam tias ua mus vim tib neeg kev ncaj ncees, vim kev tiv thaiv los yog txuag cia. Txawm tias siv txoj kev qhia tsis tseeb nyob rau ntau xyoo dhau los, tsis kav tsov rog txhua zaus yog kev ncaj ncees. Lub Koom Txoos cov kev ntseeg qhia txog qhov mus tau ntawm kev txuag pov hwm ncaj ncees uas yog siv tub rog, yog qhov ua kom pom tias ua tiav.
Vaj Qhia txhawj xeeb txog cov Technology tshiab tshiab nrog rau kev tsim thiab siv Newclear, vim tias nws lub zog ua kev piam sij loj yam tsis tau muaj los dua thiab tsis xaiv neeg. Vaj Qhia Fas Ntshis Kus ntseeg thiab cia siab hauv kev cheem tsov rog ntxiv mus tias : “Peb yuav tsis saib tias tsov rog yog kev tawm ntxiv mus, vim kev txhawj xeeb ntawm tsov rog nws ntau dua cov txiaj ntsim qab hau uas tau txais. Vim li no thiaj yog qhov nyuab nyob hauv zim txwv no, uas yuav rhuav tshem qhov laij thawj sau tseg hauv tiam tag los. Yuav los hais txog qhov mus tau ntawm tsov rog uas ncaj ncees, txhob pub kom muaj tsov rog tshwm sim ntxiv lawm.
Muab los ntawm cov lus qhia hais txog “Peb sawv daws yog kwv yog tij”, uas nyob hauv cov lus qhia “kev sov siab tseeb tiag.”
Kwv tij Hmoob sawv daws ! Hnub no peb ntsib nej li no xwb.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Lwm zaus peb mam sib ntsib dua, nyob zoo nej sawv daws.
