Mas Nis Las hais tias qhov xyam (VDO) nkoj tua rog uas raug xa mus rau Sabah yog xyam cuav
Fis Lis Pees cov tub rog dej tsis lees thiab lawv hais tias yog xyam cuav, hais txog qhov xyam nkoj tua rog uas raug tshaj tawm nyob hauv Youtube ob peb hnub dhau los no. Hais tias Fis Lis Pees ib lub nkoj tua rog raug xa mus Mas Les Xias teb, vim muaj kev tsis sib haum xeeb nyob Sabah.
Cov tub tseem hwv hais tias; lub nkoj tua rog BRP Antonio Luna mus txog Penang hnub tim 9 lub 8 hli no. Lub hom phiaj yog mus koom kev xyaum tua rog hauv hiav txwv zaum 3, uas yog Mas Les Xias teb ua tswv cuab. Cov hauj lwm no tau txais kev txhawb nqa los ntawm 10 haiv neeg nyob As Xias toob fab naj. Qhov xyam los yog qhov Video no uas muab los sib cav no, yog tso tawm nyob hauv ib tshooj Youtube uas nyuam qhuav qhib tshiab hnub tim 13 lub 6 hli tag los. Tshooj Youtube tshiab no muaj neeg raws qab li ntawm 3,000 leej. Nws txuas nrog kev xa nkoj tua rog mus hauv lub caij muaj kev sib tawm tsam nyob Kuala lumpur lub 11 hlis tsaib no. Yog tiv Mas Nis Las txoj cai uas taij thov kev ncaj ncees nyob Sabah. Kev taij thov no qhov pib yog los ntawm Fis Lis Pees thiab lub xeev Sultanate nyob Sulu cov liv xwm kev sib raug zoo. Nws yog qhov chaw sib cav txij xyoo 1963 los, uas yog Aas Kiv muab thaj av no rau Mas Les Xias teb. Tab txawm Sultanate tsis pom zoo kuj xij.
