Lub qhov txhab ntawm tsov rog tseem mob nyob Nyab Laj teb, tom qab 50 tawm xyoo ntawm kev sib koom ua ib lub teb chaws
Benedict Le uas nws yog ib tug qub tub rog hauv ntsuj tsov rog Nyab Laj, nws tsis tau so 5 hnub nyob hauv lub 4 hlis uas yog hnub tim 30 lub 4 hlis. Yog hnub uas Nyab Laj qaum teb thiab Nyab Laj qab teb sib sau los ua ib lub teb chaws, nyob hauv 49 xyoos dhau los no. Tam sim no nws yog ib tug kws ntoo.
Hnub sib koom ua ib lub teb chaws, los nws tseem ua hauj lwm thiab tsis tau so.
Nws hais tias : “Peb yog cov swb tsov rog, peb raug liam tias yog cov neeg tiv lub teb chaws thiab tau txais kev pab ntawm tseem hwv zoo li yog cov neeg txheej ob los tau yuav luag 50 xyoo lawm.”
Xyoo no txoj cai koom tshaj tso lus kheev rau cov tub tseem hwv thiab tseem hwv cov tub zog sawv daws so 5 hnub. Tseem hwv tshaj tias kom sawv daws so pauj hnub 29 txog hnub tim 1 lub 5 hlis, thiab ob hnub so ntawm lub lis piam uas tas nrho yog so 5 hnub. Tom qab tsov rog tiaj tus, Benedict Le thiab lwm tus tub rog lawv ntsib lub neej txom nyem thiab ua lub neej poob qis tsis muaj cai tsis muaj tsim.
Tseem hwv Koom Tshaj tau txais kev yeej thiab coj lawv mus nyob hauv lub yeej qhia kev kawm, ces Le tau siv sij hawm ntau xyoo nyob ntawd. Cov hauj lwm uas Le thiab lwm tus tub rog tau txais, yog sau thiab khaws tej hoob pob uas tsis tau tawg thiab mus nyob tej qhov chaw deb vaj tse ntau xyoo.
