Kev sib ntaus sib tua nyob ntau lub nroog, hauv lub xeev Rakhine, ua rau cov Rohingyas khiav ua neeg thoj nam 40,000 leej
Cov Los Hees Yas yam tsawg yog 40,000 leej raug quab yuam los ntawm kev khiav tsov rog hauv 2 lub nroog, hauv lub xeev Rakhine uas nyob Myanmar sab hnub poob. Tam sim no lub xeev Rakhine kub ntxhov txog tib neeg kev ncaj ncees. Yog cov neeg khiav ua thoj nam hais rau RFA Myanmar lub lis piam tag los.
Kev sib ntaus sib tua nyob hauv lub nroog Maungdaw thiab Buthidaung hauv lub xeev Rakhine, mas cov tub rog Arakan los yog AA thov kom tseem hwv sau txoj cai tshiab los pauj kev piam sij yag tag los. Tsis tas li ntawd, tseem hwv cov tub rog kuj tau sau cov Los Hees Yas kom los tuav riam phom txhawb nqa tseem hwv cov tub rog. Cov tub rog hais tias : qhov ua li no yog ua los txuag pov hwm cov Mawv Xis Lim txoj kev teev hawm nyob hauv lub xeev Rakhine, uas feem coob yog teev hawm Phus Thas.
Tab sis cov tub soj ntsuam pom tias : tseem hwv tab som zes kom cov haiv neeg sib tawg thiab ua kom khuam cov tub rog Arakan kev, ces lawv ua dab tsi los qeeb.
Nay San Lwin uas nws yog ib tug neeg taij txoj cai rau cov Los Hees Yas, nws tab tom raws qab txog tej xwv txheej no, nws hais tias : muaj 40,000 tus neeg Los Hees Yas uas lawv pib khiav ua neeg thoj nam thiab lawv yog khiav tawm hauv 10 tawm lub zos.
