Today the church gives us a wonderful pairing of readings
Hnub no lub Koom Txoos muab ib zaj nyeem zoo heev rau peb.
Hnub no lub Koom Txoos muab ib zaj nyeem zoo heev rau peb. Zaj nyeem ib yog nyob hauv His Xais zaj 6 thiab Lus Kas ntawv Moo Zoo zaj 5. Yog kev nyeem 2 zaj ua ke thiab hais txog yam uas kuv xav tias yog qhov tseem ceeb hauv lub neej fab ntsuj plig. Ntau xyoo dhau los, kuv tau nrhiav pom 3 yam nyob hauv lub neej fab ntsuj plig ntawm cov neeg ntseeg. Tom qab nyeem Ntawv Ntshiab thiab cov xib hwb qhia txog fab ntsuj plig coob leej. Thawj yam yog kev vam meej ntawm lub txiaj ntsim, yuav xub pib nyob hauv lub txiaj ntsim. Yog tsis li ntawd, peb yuav yuam kev. Tab sis thaum peb nyob hauv cov txiaj ntsim, mas peb kuj txawj paub txog kev txhaum. Lub txiaj ntsim ua kom peb paub txog peb cov txhaum, peb yuav ua tiv nrog nws. Thiab tam sim no peb raug xav mus ua cov hauj lwm tub txib. Koj yuav pom qhov piv txwv zoo nkauj no nyob hauv ob zaj nyeem hnub no. Kuv thiaj xav nrog koj nkag mus ua ke hauv zaj ntawd. His Xais hais tias : “Xyoo tus vaj Os Xes tuag, kuv pom Huab Tais zaum saum ib lub theej kiab siab siab.” Thawj yam kuv nyiam qhov nws nco tau zoo tias nws nyob qhov twg, lub caij nws hla tej kev kub ntxhov. Thaum peb xav txog Tswv Ntuj, peb yuav nco tau tias yog yam ntawd tshwm sim. “Li ntawd, xyoo tus vaj Os Xes tuag, kuv tau pom Tswv Ntuj.” Nws pom Huab Tais zaum nyob saum lub theej kiab siab siab. Thaum peb pom Tswv Ntuj, peb yuav chwv txog Tswv Ntuj nyob hauv tus nyob siab. Lub theej kiab siab siab, yog Tswv Ntuj nyob siab dua tas txhua yam.
Txhua zaus ua ntej yuav ua thaj txi Ntuj, mas xub teev Ntuj ua Ntuj tsaug. Thov Tswv Ntuj tus muaj hwj huam kom nws pab peb. Txhob xav tias koj tuaj yeem kav tau Tswv Ntuj, cia Tswv Ntuj ua yam uas koj xav tau. Cia Tswv Ntuj ua hauj lwm raws koj lub hom phiaj. Txhob xav li ntawd, yog tias peb xav hla dhau lub txiaj ntsim. Lub txiaj ntsim ntawd nws nyob siab dua peb txoj kev kav. Thaum peb hnov lub suab ntawd, lub qhov rooj yuav co thiab hauv tsev muaj pa ncho puv nkaus. Ntawd yog qhov ua kom peb paub tias Tswv Ntuj nkag los nyob hauv peb lub neej, ces peb tsis tuaj yeem yuav kav tau dab tsi ntxiv. Lub ntiaj teb tab tom ua zog koog, yog qhov uas tas txhia yam kuj ntsia pom. Txhais tias Tswv Ntuj tuaj kho kom txhua yam tshiab tuaj. Tas txhua yam ua zog koog nyob ntawm Tswv Ntuj xub ntiag thiab yog qhov zoo nkauj. Hauv tsev kuj muaj pa ncho puv nkaus, yog peb tab tom hlawv xyab ua thaj txi Ntuj. Qee zaus kuv hlawv xyab ntau dhau, tab sis kuv kuj pom tias yog ib lub Cim uas zoo nkauj kawg. Thaum cov pa xyab ncho mus saum ntuj, mas zoo li peb cov lus thov Ntuj kuj tab tom nce mus saum ntuj thiab. Tsis tas li ntawd, cov pa xyab tseem yog lwm lub Cim. Yog lub Cim tias peb tsis tuaj yeem pom Tswv Ntuj tau, cov pa txhawb peb qhov muag thiab nws thaiv txhua yam. Txhais tias yog txhua yam uas ntshiab huv. Peb tsis tuaj yeem ntsia pom Tswv Ntuj xws li tus dav ya saum ntuj, uas nws ntsia pom txhua yam. Vim Tswv Ntuj yog tus Tswv Ntuj nyob siab thiab peb yuav pom Tsis tau. Tab sis yav tag los peb tau pom dab tsi ? Yav tag los Tswv Ntuj tau pab peb kev vam meej nyob hauv peb, yog txhua yam uas peb ua tau, peb xav tau thiab peb txawj.
His Xais hais tias : “Kuv hmoov phem ! Kuv yuav tuag ! Kuv yog ib tug neeg di ncauj tsis huv, vim kuv nyob nruab nrab hauv ib haiv neeg di ncauj tsis huv. Kuv qhov muag tau pom tus vaj, tus Huab Tais kav tsoom tub rog.”
Di ncauj tsis huv yog ib lo lus uas txheej thaum siv kam, yog hais txog tej yam tsis huv. Kuv yog neeg txhaum, kuv tsis muaj kev paub txog tej yam no. Tab sis thov kom peb nco ntsoov txog zaj no. Yog koj pib lub neej fab ntsuj plig hauv koj cov txhaum, mas yog koj tab tom ua kom koj nyob siab. Lub neej fab ntsuj plig yuav pib nyob hauv lub txiaj ntsim, vam meej raws lub txiaj ntsim, ces peb yuav paub tias peb yog neeg txhaum uas vam txog lub txiaj ntsim qhov pom kev. Peb kheev kheev hais tias peb di ncauj tsis huv, ces peb tsis phim lub txiaj ntsim. Tab sis Tswv Ntuj tsis ntsia peb cov txhaum, Tswv Ntuj tsuas muaj kev zam txim thiab hloov peb xwb. Qhov no yog qhov zoo nkauj kawg.
Yog peb pom peb cov txhaum thiab peb nyob hauv Tswv Ntuj lub txiaj ntsim, mas peb cov txhaum yuav raug daws tas. Qhov ntawd yog hais txog fab ntsuj plig.
Nyob hauv Ntawv Ntshiab tsis muaj leej twg paub txog Tswv Ntuj thiab tsis raug xa mus ua tub txib. Qhov no yog qhov His Xais ntsib thiab pauv ntxeev. Peb yuav pom nyob hauv Lus Kas ntawv Moo Zoo zaj 5 uas yog qhov pib. Nov yog lub suab hu Pob Zeb. Yes Xus ntsia pom 2 lub nkoj nres nyob ntawm ntug dej, ces Yes Xus nce mus hauv ib lub nkoj uas yog Xis Moos lub. Nws kom Xis Moos nquam lub nkoj mus deb ntawm ntug dej me ntsis. Yes Xus hais rau Xis Moos tias : “Koj nquam lub nkoj mus lawm tom qhov dej tob.” Yes Xus tsis tau thov, nws tsis tau hais tias :
“Kuv thov nce mus saum koj lub nkoj puas tau ?”
Yes Xus tsis hais li ntawd. Yes Xus nce mus saum Xis Moos lub nkoj thiab cov neeg Nkas Lis Lais tiam ib lub neej, yog ntes ntses xwb. Yes Xus pom lawv, Yes Xus cia li nce mus saum Xis Moos lub nkoj thiab txib kom nws nquam nkoj mus.
Peb lub neej feem ntau yog nyob hauv kev txhaum, vim peb ntxhov siab txog tej yam tsis muaj qab hau hauv peb lub neej. Thaum Tswv Ntuj lub txiaj ntsim nkag los hauv peb lub neej thiab Yes Xus txib peb, vim Yes Xus xav kom peb mus hauv qhov dej tob. Qhov ntawd yog peb lub neej hauv kev ntseeg. Thaum Tswv Ntuj lub txiaj ntsim nkag los thiab Yes Xus txib peb, vim nws xav kom peb lub neej muaj qhov zoo.
Thaum Xis Moos pom Yes Xus nws ua li cas ? Xis Moos txhos caug nyob ntawm Yes Xus xub ntiag thiab hais tias : “Huab Tais, koj txav mus deb ntawm kuv, vim kuv yog ib tug neeg txhaum.” Peb pom yam uas zoo ib yam li His Xais pom. Thawj yam yog Tswv Ntuj lub txiaj ntsim thiab yog qhov peb xav txog peb cov txhaum. Yog Xis Moos tsis nco txog nws cov txhaum thiab nws paub tias nws tsis tsim nyog Yes Xus nyob ze nws. Nws thiaj hais kom Yes Xus txav mus deb nws, vim nws yog ib tug neeg muaj txhaum. Txhais tias lub txiaj ntsim ntawm qhov pom kev nqes los nyob hauv Xis Moos.
Yes Xus hais li cas rau Xis Moos ?
Yes Xus hais tias : “Koj txhob ntshai, txij no mus koj yuav puav neeg.”
Lawv nquam nkoj los rau tim ntug deg. Lawv tso tas puas tsa yam tseg, lawv raws Yes Xus mus. Kev vam meej hauv lub txiaj ntsim thiab kev txawj pom txog kev txhaum. Qhov kawg thiaj raug xa mus ua tub txib tshaj Ntuj Lus. Yog qhov zam tsis dhau nyob hauv Ntawv Ntshiab, tsis hais Ntawv Cog Lus Qub thiab Ntawv Cog Lus Tshiab. Thaum peb xav txog Xis Moos Pob Zeb cov hauj lwm tsav nkoj, uas peb hu ua lub Koom Txoos. Nws tau hla cov dej nphau nce nce nqis nqis hauv lub sij hawm los ntau tiam neeg txog zim txwv no. Cov hauj lwm no coj Yes Xus lub txiaj ntsim tuaj rau lub ntiaj teb raws li Pob Zeb tau txais. Li ntawd, lub Koom Txoos thiaj rais ua tus theej cov hauj lwm no rau lwm tus. Txij no mus koj yuav puav neeg, nws yog peb thiab yog sawv daws. Koj yog His Xais, yog Xis Moos Pob Zeb thiab cia lub txiaj ntsim nres koj. Cia lub txiaj ntsim ua hauj lwm rau koj thiab rau kev daws koj cov txhaum.
Ces qhov kawg lub txiaj ntsim ntawd xa koj mus ua koj cov hauj lwm. Nov yog lub neej fab ntsuj plig ntawm cov neeg ntseeg nyob thoob ntiaj teb.
Kwv tij Hmoob sawv daws ! Hnub no peb tau hnov txog qhov Yes Xus hu Xis Moos Pob Zeb, nws yog ib tug neeg ntes ntses. Tab sis nws txawj pom tias nws yog neeg muaj txhaum. Li ntawd, Yes Xus thiaj tsa nws ua tub puav neeg thiab tsa nws ua tus saib lub Koom Txoos los txog zim txwv no.
Thov peb ua xws li Pob Zeb, kom peb txawj xam pom peb tej txhaum.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Peb mam sib ntsib dua, nej sawv daws nyob zoo !
