Cov tub zog Online ntau pua txhiab leej nyob Myanmar, nyob Khas Phus Chas thiab nyob Los Tsuas teb
Lub Leej Haum Kuj saib xyuas kev ncaj ncees nyob tuam ceeb Bangkok tshaj tawm hais txog cov neeg raug quab yuam ua hauj lwm nyob Online thiab kev ntxias dag. Cov tub zog uas muaj peev xeem hauv kev ntxias ua luam neeg nyob txhua txhia qhov chaw, xws li cov nyob deb mus txog Kes Nias teb, Nplas Xis teb thiab Tws Kis teb. Cov thaj tsam uas raug kev piam sij los ntawm tsov rog thiab cov thaj tsam uas muaj cov lag luam no li ntawm 120,000 leej nyob Myanmar, thiab 100,000 leej nyob Khas Phus Chas. Kev ntxiag dag nyob Online los ntawm kev tso hem thawj kom neeg ntshai raws li lub Leej Haum Kuj OHCHR tshaj txog zaj no.
Raws lub Leej Haum Kuj kev soj ntsuam txog cov neeg thoj nam, muaj ntau pua leej raug ntxias dag nyob hauv hlwb hlau (Computer). Kev ntxias dag Online hauv Social Media, mas cov neeg siv Internet tsis ua xyem xyav, tsis xav dab tsi li.
Ntau zaus tsis hais cov txiv neej los cov poj niam poob nyob hauv txoj kev ua luam neeg thiab raug yuam sib deev nyob hauv tej chaw ua hauj lwm, tsis tuaj yeem tawm mus sab nraud tau.
Cov hauj lwm no vam meej txij thaum pib muaj tus kab mob COVID-19 tshwm sim nyob thoob ntiaj teb los. Tig rov mus saib hauv xyoo 2021, kev tau nyiaj los ntawm kev ntxias dag raug nyiaj li ntawm 7-8 txhiab plhom dos las. Txij ntawd los, pom tias tus zauv nce siab zuj zus. Kev taij thov thiab kev kawm hauv zej zog raws li lub Leej Haum Kuj kev tshaj tawm, yog ib qho tsis txawv uas pom tau nyob hauv thaj tsam Av Xab Xeeb Kaum nyob npuas Thaib teb, Los Tsuas teb thiab Myanmar teb. Qhov nto npe tshaj yog ua luam tshuaj txhaum kev cai.
Kab mob sib kis thiab kev txeeb teb chaws ntxhov quav niab nyob hauv Myanmar teb, ua kom muaj kev ntxias dag nyob Online ntau tuaj nrog txhua yam teeb meem. Kev vam meej tsis raug tiv thaiv, muaj kev muag riam phom, muag tshuaj txhaum kev cai thiab muaj ntau haiv neeg nyob sib xyaws daws.
