Cov tub rog Arakan lub hom phiaj yog cov Rohingya thiab Myanmar yav tom ntej
Tab txawm tias cov tseem hwv Myanmar kaw Internet, tab sis lub Leej Haum Kuj kuj tau txais ib co xov xwm txaus txhawj kawg, hais txog kev tua cov neeg Los Hees Yas. Tam sim no cov tub rog Myanmar tab tom tsim kev kub ntxhov heev zuj zus, ua kom cov haiv neeg tsawg npau taws thiab yuam kom cov Los Hees Yas koom nrog cov tub rog tua nrog cov haiv neeg tsawg. Ces lub teb chaws rov poob nyob hauv txoj kev kub ntxhov sib ntaus sib tua. Kev kub ntxhov thiab kev phem uas tshwm sim nyob hauv ntau lub hlis dhau los, hauv lub xeev Rakhine, nyob Myanmar sab hnub poob. Zoo li nws rov ua kom txhua yam sawv thiab ua kev kub ntxhov thoob lub teb chaws.
Tus sawv cev ntawm lub Leej Haum Kuj tau hais txog cov xwm txheej uas lawv poob siab thiab ntxhov siab txog, los ntawm cov tub rog Myanmar tua cov Los Hees Yas. Ces thiaj muaj 45,000 tus neeg Los Hees Yas khiav ua neeg thoj nam. Thiab cov tub rog tseem hlawv tsoom pej xeem tej vaj nyob hauv lub nroog Buthidaung, tsoo lawv tej vaj tse thiab rhuav lawv tej liaj teb. Yog raws li lub Leej Haum Kuj tshaj tawm.
