Cov neeg Nyab Laj tsiv teb tsaws chaw, txij cov neeg caij nkoj mus ua cov neeg tuam choj

Hung Cao tus duab nyob Hanoi, tsis yog neeg tsiv teb tsaws chaws ntxiv mus. Tab sis yog tus lwm thawj tswj ntawm As Mes Lis Kas cov tub rog dej. Nws tau hais txog cov lus tseeb no tseg. 50 xyoo tom qab tsov rog Nyab Laj tiaj tus, cov qhov txhab uas tau ua tseg tseem ntsia pom. Tsis yog tias hauv daim av xwb, nws tseem nyob hauv tsoom pej xeem lub paj hlwb thiab. Tsov rog tau tua neeg tuag lawm ntau plhom leej thiab faib teb chaws. Ua rau cov neeg Nyab Laj ntau txhiab leej suav tsis txheeb caij nkoj khiav mus nrhiav kev ywj pheej. Cov neeg caij nkoj khiav no ntsib cua daj cua dub, ntsib tub sab lwg, ntsib kev nyiaj tshaib xyoo nqhis thiab kev tuag. Lawv kev cia siab tias ib hnub twg, lawv yuav tau mus txog qhov chaw nyab xeeb. Tab txawm leej puav npau suav tias tau rov qab mus lawv qub zog kuj xij. 

Ib nrab tiam neeg tom qab uas yog 50 xyoo, ib tug hauv cov neeg li hais no tau rov qab mus txog lawv tej qub zos. Nws tsis yog mus xws li ib tug neeg thoj nam, tab sis nws yog ib tug nom loj ntawm tseem hwv As Mes Lis Kas. 

Hung Cao uas yog tus lwm thawj tswj ntawm As Mes Lis Kas cov tub rog dej. Nws tau mus tsham Hanoi hauv lub 11 hlis no. Nws yog ib tug sawv cev ntawm tseem hwv As Mes Lis Kas cov nom. Qhov nws tshwm nyob Hanoi, yog tus piv txwv ntawm ib tug txiv neej uas khiav tsov rog nyob Nyab Laj teb thaum tseem yau. Tam sim no nws raug tos txais zoo kawg los ntawm lub teb chaws uas nws khiav.