Asean nyob hauv lub sij hawm kev lag luam pauv ntxeev ntawm Washington thiab Pej Ceeb
Suav tus thawj pwm Li Qiang hais tawm nyob hauv lub rooj sab laj hauv xeev ntuj tias; thov cov teb chaws nyob As Xias sib koom tes, kom tau txhawm rau cov teeb meem nyob thoob ntiaj teb. Tshwj xeeb tshaj yog kev lag luam ntawm As Mes Lis Kas. As Xias toob fab naj tsim yog txuag kev ywj pheej ntawm tej kiab khw cia. Thiab kom zam kev nkag mus cuam tshuam txog tej teeb meem kev lag luam ntawm cov teb chaws muaj hwj chim. Kev sab laj zaum no, ua rau cov lus cog hais txog kev lag luam ywj pheej ntawm Asean thiab Suav ruaj khov dua tuaj. Cov lus hais no yog hais txog tus se tshiab uas Washington teeb tseg, yog ib feem hauv lag luam kev sib tawm tsam uas tus Txoov Tim Tswv TRAMP ua tus pib.
Suav tus thawj pwm tsav hais tias ; lub hom phiaj ntawm kev sib koom tes, yog kev sib koom tiv nrog tus se lag luam nyob thoob ntiaj teb uas tab tom nce siab tuaj. Hauv qhov kawg Li Qiang rov hais txog qhov ruaj khov ntawm Pej Ceeb, uas yuav ua hauj lwm nrog Asean kom tau daws teeb meem. Kom tau txuag kev ruaj khov hauv xeev ntuj thiab rhuav tshem kev cuam tshuam sab nraud tuaj. Vim nws yog qhov ua kom pom meej tseeb txog kev kub ntxhov hauv kev lag luam uas heev zuj zus ntawm Suav thiab As Mes Lis Kas. Nws kuj ua kev kub ntxhov rau tej lag luam me nyob thoob As Xias teb thiab.
