Thaum cov tub xov xwm pom Ntawv Ntshiab.
Tom qab ua hauj lwm hauv chav tsev xov xwm los 30 tawm xyoo, kuv tau pom ib yam tseeb uas nws nyob mus li. Tsis muaj ib zaj dab neeg twg yuav kav tas txhua yam. Tej zaum koj yuav nug 10 tus neeg ua pov thawj txog tib qho teeb meem, ces koj yuav tau 10 yam sib txawv. Hauv kev ua tub xov xwm, koj yuav tsum mloog, saib kom meej, tshuaj xyuas, zeem tseeb thiab qhov kawg yog xaiv. Kev xaiv tsis yog kev ntxias dag, tab sis yog kev ua tib zoo xaiv. Zaj ntawd tseem nyob hauv kuv lub siab, tshwj xeeb tshaj yog thaum muaj neeg hais tias ; qee zaus txaus siab kawg tias : “Ntawv Ntshiab muaj kev tsis sib haum xeeb nyob puv nkaus.” Ces kuv luag, tsis yog tias kuv saib tsis taus. Tab sis yog kev paub, vim kuv ua lub neej nrog zaj ib txwm piav los.
Sim saib Yus Das Iscariot
Mas Tais sau tias : Yus Das tu siab kawg, ces nws thiaj thim 30 lub txiaj thiab mus dai caj dab tuag.” Tej yam no qhia peb tias : nws poob thiab taub hau tsoo pem teb, nws lub cev ntsoog tas nyob hauv nras liaj. Tom qab no thiaj hu ua “nras ntshav”.
Cov kws soj ntsuam hais tias : yog kev tsis sib haum xeeb.
Tus tub xov xwm uas nws muaj kev paub ntau nyob hauv kuv hais tias : kev ntsia pom. Ib nqe lus yog nthuav tawm nws txoj kev xav, lwm nqe lus yog teeb meem hauv txoj cai, thiab nqe lus peb yog teeb meem kev tseev tsim. Cov kws sau no puas yog lawv dag ? Tsis yog ! Cov zaj lawv sau nws nws puas yog zoo ib yam ? Kuj tsis yog li ntawd. Qhov tseeb tiag kev zoo ib yam, qee zaus kuj ua rau muaj kev ua xyem xyav ntau dua qhov sib txawv.
Ob zaj hais txog tsim ntuj tsim teb uas sau nyob hauv ib daim ntaub loj.
Muaj thawj phab nyob hauv ntawv Hauv Paus. Cov xwm txheej thiab lub suab sib txawv, lo lus kuj sib txawv thiab.
Nov puas yog kev tsis haum xeeb ? Los yog kev ntsia ob yam no sib txawv ? Ib qho yog kev pom dav, hos ib qho yog kev pom ze.
Kuv kiag twb tau sau cov zaj li no los dua lawm, yog pib nrog kev txheeb xyuas lub teb chaws thiab tom qab ntawd mam hais txog tib neeg. Yog tib lub ntsiab lus, tab sis kev tsom sib txawv. Sim xav txog ntu uas ploj mus lawm seb ! 18 xyoo uas Yes Xus ua lub neej nyob ntsiag to. Nws loj hlob hauv kev thoob tsib. Peb paub zaj hais txog Yes Xus yug los, peb pom thaum Yes Xus muaj 12 xyoos, thiab nws ua rau cov xib hwb nyob hauv tsev teev Ntuj poob siab.
Dhau ntawd kuj ntsiag to m us txog thaum Yes Xus muaj 30 xyoo. Txoj kev xav ntawd, tej zaum koj yuav xav tau lom zem heev. Tab sis Lus Kas hais ib lo lus rau peb tias : “Nws hlob cev thiab hlob nyob hauv Tswv Ntuj lub txiaj ntsim, nyob ntawm Tswv Ntuj thiab nyob ntawm ib zeej tsoom xub ntiag.” Thaum ntawd nws tseem nrog Yos Xes thiab Mab Liab nyob.
Qhov ntawd yog 18 xyoo uas tau muab sau ua ib kab lus xwb.
Hauv kev ua ib tug tub sau xov xwm, ces kuv thiaj paub txog kev xaus cov ntsiab lus luv luv, vim kuv tau ua li ntawd los dua lawm. Kuv tau muab 2,000 lo lus nug coj los xaus ua 600 lo, tab sis cov ntsiab lus tseem ceeb tsis ploj. Yam uas raug txiav tawm mus tsis tau txhais tias tsis tseem ceeb, tab sis nws tsis yog qhov tseem ceeb ntawm zaj uas tab tom piav.
Nyeem Ntawv Ntshiab thiab yuav ntsuam xyuas ntawv Ntshiab thiab.
Tom qab dhau mus ntau xyoo, mas kuv ntseeg yam no. Ntawv Ntshiab tsis yog tias yuav nyeem xwb, nws yuav tsum raug ntsuam xyuas thiab uas yog muaj phau ntawv, muaj cov lus piav, thiab kev mem cov lus kom haum xws li cov tub xov xwm uas tsis vam txog cov lus thiab pov thawj tib tug pov thawj xwb.
Koj yuav tsis nyeem tag nrho cov lus ua tib tug pov thawj hais nyob hauv tsev txiav txim, koj yuav tsis hais txog qhov los ntawm cov ntsiab lus. Koj yuav tuav xam nrog cov neeg paub, koj yuav tshuaj xyuas thiab koj yuav nug kws lij choj thiab tus ua pov thawj. Vim li cas Ntawv Ntshiab thiaj raug ua tsawg dua ?
Kev chim siab hauv qee yam tseem ntxhov kawg, qee lo lus xav tau kev nkag siab hauv cov liv xwm, kev hais lus sib txawv thiab kev xav txog tej kab lis kev cai.
Kev ntxhov siab thiab kev sib txawv yog ib feem ntawm zaj dab neeg, tsis yog yam ua kom nws puas tsuaj.
Qhov tseem ceeb yog qhov tseeb, tsis yog tas nrho cov ntsiab lus.
Ntawv Ntshiab tsis yog kev sau cim luv luv saum ntuj, tab sis yog kem tsev rau ntawv ntawm cov lus ua tim khawv, paj lug, kev cai lij choj, kev qhia txog yav tom ntej, kev quaj ntsuag, kev sau txog poj yawm txwv koob, cov zaj piav uas tib neeg txhais tes tsim kom tau sib tiv nrog kev ntsib Tswv Ntuj. Muaj tseeb tiag tias tau txhais lub zog txhawb siab los ntawm Tswv Ntuj txoj pa. Tom qab ua hauj lwm txog kev sau xov xwm ntau caum xyoo, mas kuv tau kawm kom paub hwm qhov tseeb uas muaj ntau txheej ntawm kev nco cia ntawd.
Nco tias zaj piav muaj lub hom phiaj, thiab kev teeb yog qhov zam tsis dhau. Hauv kem tsev xov xwm peb tau hais tias : “Ua kom meej tseeb, tab sis yuav nco cia tias tsis muaj ib yam dab tsi yog zaj dab neeg tas nrho.”
Zam ntawv Moo Zoo xaus rau kev rov xav txog ib yam. Tseem tshuav ntau yam kawg uas Yes Xus tau ua, yog yuav sau ib yam zuj zus tas hu tib si, mas kuv yuav tias lub ntiaj teb yuav ntim tsis tas cov ntawv uas sau txog nws tej hauj lwm.
Ntawv Ntshiab tsis yog muaj cia kom tau nyeem, tab sis yog muaj kom tau tshuaj xyuas. Nws yog kev ua lub neej hauv kev sib tham, kev teeb tej lus nug hauv kev ua xyem xyav, kev ua tiag saj, thiab kev txo hwj chim ua neeg me. Zoo li ib hauv tshuaj sov so pab kho lub siab kom lub siab sov tuaj. Thiab qhia peb tias kev ntseeg yog zoo li piav tej zaj dab neeg zoo kom zoo tuaj. Yog peb yim muab siab rau, mas nws yim zoo.
