Lus tu moo rau Txiv Plig Pieris tus kws kev ntseeg neeg Xis Laas Kas, uas txhawb nqa kev sib tham hauv cov kev teev hawm.

Lus tu moo rau Txiv Plig Pieris tus kws kev ntseeg neeg Xis Laas Kas, uas txhawb nqa kev sib tham hauv cov kev teev hawm.

Txiv Plig Pieris tus kws kev ntseeg Yes Xus Is, yog tus soj ntsuam Is Ntias thiab yog tus kws txuj Phus Thas ntawm cov neeg Xis Laas Kas. Nws tau tag sim neej Hnub Chiv tag los no. Nws muaj 92 xyoos. Tom qab nws mob los ntev lawm. Nws yog tus tsim lub Koom Haum Tulana Research Center, kom tau kev sib ntsib sib tham nyob hauv lub nroog Colombo uas yog Xis Laas Kas lub tuam ceeb.

Nws ua lub neej nyob dog dig thiab tau txhais kev txhawb siab hauv kev ntseeg tob kawg. Nws zoo siab muab tus kheej los ua hauj lwm, kom tau txhawb nqa kev sib haum xeem ntawm cov kev teev hawm.

Nws yog tus luag paub hauv lub npe Txiv Plig Aloy, thiab yog thawj tus neeg uas tsis yog Phus Thas tau txais daim  ntawv pov thawj ntawm Phus Thas kev cai.

Lub Koom Haum Tulana kev sib ntsib thiab sib tham yog txhim tsa nyob hauv xyoo 1974, kom tau ua qhov chaw tseem ceeb hauv 3 txoj kev teev hawm kev sib ntsib sib tham. Nyob hauv ntau xyoo dhau los, qhov chaw no yog qhov chaw txhawb nqa kev sib haum xeeb ntawm cov kev teev hawm, kev ua tawm los ntawm tej duab thiab kev muab siab rau hauv zej zog. Lub Koom Haum no txhawb nqa kev sib ntsib tob kawg hauv Phus Thas kev ntseeg thiab Kav Tos Liv kev ntseeg. Yog los ntawm tej duab tsim tawm ntawm cov Txiv Plig thiab cov tub kos duab neeg ntseeg.  

Dhau no lawm, Txiv Plig Aloy tseem txhim ib lub tsev kawm ntawv rau cov me nyuam lag ntseg thiab. Nws pab cov tshuab hnov lus thiab xyaum lawv hais lus, nrog rau kev txhawb nqa cov me nyuam nyob hauv zej zog txaus nkaus.