Lub neej tsis dog dig ntawm ib tug Txiv Plig laus nyob Suav teb.
Tus Txiv Plig Kav Tos Liv uas laus tshaj nyob Suav teb hu ua Yos Xes Kuav Fuj Tawv (Joseph Guo Fude), nws tag sim neej nyob hauv lub nroog Jining, lub xeev Saas Toos (Shandong). Nws tuag hnub tim 30 lub 12 hlis xyoo 2024, ob lub hlis ua ntej yuav txog nws hnub yug thiab txwm 105 xyoos.
Txiv Plig Kuav Fuj Tawv txoj kev tuag, ua rau lub Koom Txoos tag lawm ib tug neeg muaj kev ntseeg zoo thiab yog lub cim ntawm kev raug hiam nyob Suav teb.
Txiv Plig Kuav yog ib tug txiv neej uas raug kaw nkuaj 25 xyoos, vim nws txoj kev ntseeg. Nws ib txwm tsis kam nrog txoj cai koom tshaj sib haum xeeb. Tab txawm kev nyob txim hauv cov nkuaj Suav tsiv tsaim npaum cas, tsis kav nws kuj tseem ntsia pom tias lub caij nyob hauv nkuaj, yog lub caij kev ntseeg loj hlob. Txiv Plig Kuav tau txais lub Cim Tiag Tes ua Txiv Plig nyob hauv lub Koom Haum Ntawv Ntshiab, los yog hu ua “Verbites” xyoo 1947. Nws yug hnub tim 1 lub 2 hlis xyoo 1920, hauv lub xeev Saas Toos. Thiab nws mus kawm ua Txiv Plig nyob hauv lub nroog Yaam Tsau (Yanzhou), thaum nws tseem yog me nyuam tub hluas hnub nyoog 13 xyoos.
