Vas Tis Kas cov lus hauv xyoo ntshiab huv, yog thov kom cov neeg ntseeg thiab cov Mawv Xis Lim mus ua ke.
Vas Tis Kas cov lus hauv xyoo ntshiab huv, yog thov kom cov neeg ntseeg thiab cov Mawv Xis Lim mus ua ke.
Nyob hauv Dicastery for Interreligious Dialogue cov lus, yog txhib hais txog kev ntshiab huv ntawm cov Islam xyoo no, kuj yog ncaj rau lub Caij Plaub Caug. Ces thiaj thov nqua hu kom mua kev pauv ntxeev nyob hauv cov neeg ntseeg thiab cov Mawv Xis Lim. Qhov ntawd yog thov kom sawv daws tsim kev thaj yeeb ua ke.
Ib yam li txhua txhua xyoo lub hlis kev yoo mov, cov Txig Plig yuav nrhiav kev sib tham hauv cov kev teev hawm uas tau nthuav cov lus txog lub hlis kev yoo. Lo lus hauv lub xyoo no, yog los ntawm Tswv Qhia George Jacob Koovakad tus thawj coj tshiab hauv Dicastery. Muaj lub ntsiab lus tias : “Qhov kev vam thiab cia siab ntawm cov neeg ntseeg thiab cov Mawv Xis Lim, yog kev mus ua ke.”
Cov lus hais tias : “Hauv lub caij yoo, kev thov Ntuj thiab kev sib faib no yog lub caij tshwj xeeb uas yuav tau nyob ze Tswv Ntuj dua. Thiab txais kev txhawb nqa nyob hauv kev teev hawm, kev sib pom dej siab thiab kev sib koom tes.”
Lub caij yoo hauv xyoo no feem ntau yog ncaj rau lub Caij Plaub Caug, uas cov neeg ntseeg xav tias yog lub caij yoo, teev Ntuj kom ntau thiab kev tig los yuav lub siab tshiab ntseeg txog Yes Xus.
