Vaj Qhia qhib kev tsuj xeeb lub Xyoo Ntshiab.
“Peb sawv daws muaj kev cia siab.”
Hmo tsuj xeeb Yes Xus yug los, thaum Vaj Qhia zaum ntawm nws lub tsheb xuas tes thawb hla lub qhov rooj ntshiab ntawm lub tuam tsev teev Ntuj hwm Leej Ntshiab Pob Zeb. Nws pib qhib kev tsuj xeeb lub xyoo ntshiab 2025. Vim kev cia siab ntawm cov neeg ntseeg, tsis yog xaus rau kev sov siab xwb. Nyob hauv zaj yeeb yaj duab uas peb tos ntshis txog. Nws yog Tswv Ntuj lo Lus tos txais peb nyob ntawm no thiab tam sim no thov kom muaj lub sij hawm tshiab qhib rau lub ntiaj teb puas tsuaj los ntawm kev nrhiav nyiaj. Rau cov teb chaws pluag txom nyem, uas lawv ris ntau yam nuj nqis thiab tsis ncaj ncees. Rau cov neeg raug txim qub thiab cov tshiab uas lawv raug yuam ua qhev.
Hmo no yog hmo Tswv Ntuj hais rau sawv daws tias : kev cia siab muaj nyob hauv koj. Kev cia siab muaj nyob hauv peb txhua tus, vim Tswv Ntuj zam tas txhua yam kev txhaum. Hmo no Vaj Qhia qhib lub qhov rooj ntshiab hauv lub tsev teev Ntuj hwm Leej Ntshiab Pob Zeb, nws yog lub Cim tseem ceeb ntawm lub Xyoo Ntshiab 2025 uas lub Koom Txoos Kav Tos Liv yuav pib nyob hauv lub caij Yes Xus yug los no.
Nws yog lub sij hawm ntawm txiaj ntsim thiab kev khuv leej, yog txoj kev ntawm cov neeg ntseeg Kav Tos Liv nyob thoob ntiaj teb txhua txhua 25 xyoos, txij xyoo 1300 los. Thiab yuav muaj cov neeg mus tsim koob hmoov ntau plhom leej nyob Los Mas mus txog hnub tim 6 lub 1 hlis xyoo 2026. Yog lub sij hawm Vaj Qhia thov kom peb muab siab rau txog kev ncaj ncees hauv peb txheej neeg. Thov kom sawv daws rais ua cov neeg tsim koob hmoov ntawm kev cia siab. Tab sis kev cia siab no nws tsis yog nyob ntawm peb lub zog. Nws yog los ntawm txhua yam hauv hmo tsuj xeeb Yes Xus yug los uas tshaj tias : “Yes Xus yug los nyob nruab nrab hauv peb, kom tau cawm peb thiab coj peb mus cuag Leej Txiv.”
Vaj Qhia Fas Ntshis Kus ua kom pom txog yam no thaum nws hla lub qhov rooj ntshiab, ib yam li xyoo 2015 nyob hauv lub tuam ceeb Bangui, nyob As Fiv Kas nrab. Thaum nws rov pib dua lwm lub xyoo ntshiab nyob hauv thaj tsam muaj tsov rog, hauv lub caij tsuj xeeb kev khuv leej.
