Tswv Qhia Liab Filipe Neri Ferrao coj pab thawj coj FABC tshiab mus txais lawv txoj hauj lwm.

Tswv Qhia Liab Filipe Neri Ferrao coj pab thawj coj FABC tshiab mus txais lawv txoj hauj lwm.

Hauv lub rooj sab laj cov Tswv Qhia As Xias los yog FABC, tau xaiv tsa cov thawj coj tshiab thiab yuav pib ua hauj lwm txij hnub tim 1 lub 1 hlis xyoo 2025 no mus.

Tswv Qhia Liab Filipe Neri Ferrao uas nws yog tus Tswv Qhia nyob Goa thiab yog tus thawj coj hauv lub rooj sab laj cov Tswv Qhia Is Ntias (CCBI). Nws yuav mus txais txoj hauj lwm ua tus thawj tswj. Muaj tus Tswv Qhia Liab Pablo Virgilio David nyob Kalookan hauv Fis Lis Pees teb ua tus lwm thawj tswj. Tswv Qhia Kikuchi nyob Zis Pees teb ua tus thawj kav xwm ntxiv mus, hos Tswv Qhia Filipe Neri Ferrao ua tus thawj tswj FABC.

Hauv lub rooj sab laj cov kav xwm nyob Bangkok hnub tim 22 lub 2 hlis xyoo 2024, muaj cov Tswv Qhia tuaj ntawm As Xias naj, As Xias toob fab naj, As Xias sab hnub tuaj thiab As Xias nrab tuaj. Lawv puav leej yog cov sawv cev ntawm lub rooj sab laj cov Tswv Qhia As Xias hauv 15 qhov chaw, nrog rau kev sab laj cov Tswv Qhia Xis Laas Kas, Pas Kis Taas, Npees Las Des, Mias Mas, Thaib, Nyab Laj, Los Tsuas thiab Khas Phus Chas. Mas Les Xias, Nplus Nes, Is Ntos Nes Xias, Tis Mos, Fis Lis Pees, Kos Lim thiab Zis Pees nyob hauv kev sab laj cov Tswv Qhia As Xias nrab thiab kev sab laj cov Tswv Qhia nyob qee thaj tsam hauv Suav teb. Dhau no lawm, tseem muaj cov tim xyoob uas sib koom xws li tus Tswv Qhia nyob Mas Kaus, nyob Hooj Koos, nyob Moos Nkos Lias, nyob Nes Pas thiab nyob Novosibirsk.

Lub Koom Haum tseem kav tas 277 tus Tswv Qhia nyob Is Ntias teb, nyob Latin, Syro-Malabar thiab Syro-Malankara huv tib si.