Muaj tshaj 1000 tawm leej neeg sib koom cov kab ke tawm rooj fiv Ntuj, nyob hauv lub tsev teev Ntuj Diang Marian qub qub nyob Npees Las Des teb.
Muaj tshaj 1000 tawm leej neeg sib koom cov kab ke tawm rooj fiv Ntuj, nyob hauv lub tsev teev Ntuj Diang Marian qub qub nyob Npees Las Des teb.
Cov neeg tawm rooj fiv Ntuj txhiab leej neeg tuaj mus rau lub tsev teev Ntuj Diang Marian, hauv lub Cheeb Koom Txoos Chattogram uas nyob toob fab naj hauv Npees Las Des teb. Hais txog kev tawm rooj fiv Ntuj xyoo no, yog npaj nyob hauv hnub tim 25-27 lub 2 hlis. Lub ntsiab lus hauv xyoo no, yog ‘Kuv lub siab hu nkauj cav txog Tswv Ntuj’. Yog lub zog txhawb siab kom muaj kev teev Ntuj, kev cev tus kheej thiab kev txhawb nqa fab ntsuj plig, nyob hauv lub tsev nruab nrab qub qub hauv lub teb chaws. Kev tawm rooj fiv Ntuj hauv kev teev Ntuj 9 hnub, yog xaus rau lub thaj txi Ntuj Ntshiab. Yog Tswv Qhia Lawrence Subrato Howlader ua tus coj lub Txoos.
Tswv Qhia Howlader txhawb dej siab rau cov neeg tawm rooj fiv Ntu,j kom tau txais lub zog ntawm Niam Mab Liab. Nws qhia lawv txog Niam Mab Liab kev khuv leej uas muaj rau Es Lis Xas Npes. Nws txhib kom cov neeg ntseeg sib txhawb nqa hauv lub caij muaj kev nyuaj siab, uas yog ua raws Niam Mab Liab tus piv txwv hauv kev nyiam kev hlub thiab kev ua tub txib. Cov neeg ntseeg tau sib faib tej lus zeem tseeb txog txoj hmoov zoo uas tau txais los ntawm kev thov Niam Mab Liab. Lub tsev teev Ntuj no muaj txij tiam 17 los lawm. Thiab yog thawj lub tsev teev Ntuj uas raug foom hmoov zoo nyob hauv xyoo 1601, los ntawm cov Txiv Plig hauv lub Koom Haum Dominican. Yog qhov pib ntawm cov neeg ntseeg Kav Tos Liv hauv zej zog kev ruaj khov, thiab maj mam loj hlob ua ntu zus nyob hauv ntau tiam neeg.
