ZAJ NYEEM NIAJ HNUB. Tim 9 lub 9 hli 2022 (Daily reflection)

ZAJ NYEEM HNUB TIM 9 LUB 9 HLIS, NCO TXOG LEEJ NTSHIAB POB ZEB NKAS VES
COV LUS NYOB HAUV LUS KAS NTAWV MOO ZOO (LK 6: 39-42)

Kwv tij Hmoob sawv daws, Huab Tais Yes Xus hais tias “tus dig muag puas yuav coj tau tus dig muag” yog xav qhia dab tsi? 
Cov kwv tij, peb yuav pab lwm tus kom txhob ua qhov tsis zoo tau li cas, yog tias peb tsis ntsia pom qhov tsis zoo nyob hauv peb. 
Nyob hauv peb lub neej, peb tsuas qhia tau lwm tus raws li qhov peb paub xwb. Yog li mas ua ntej peb yuav qhia lwm tus, coj lwm tus kev, mas peb tsum ntsia kom pom meej tias peb yuav mus rau qhov twg thiab yuav mus li cas tso mog.

Nyob hauv cov neeg ntseeg mas xav kom peb tseb cov noob li no rau hauv peb; yog kev ntseeg, kev tso siab, kev vam khom, kev sib nyiam, kev ncaj ncees, kev xyuam xim, kev ua siab ntev, kev txaus siab. Yog peb cog peb tseb cov noob no nyob hauv peb thiab tej me nyuam lub siab lub tswv yim, mas cov txiv peb yuav tau sab kawg yog lub neej ua neeg zoo, ua neeg xis Tswv Ntuj siab nyiam.
 

Add new comment

3 + 6 =