ZAJ NYEEM NIAJ HNUB. Tim 8 lub 7 hli 2022 (Daily reflection)

ZAJ NYEEM HNUB TIM 8 LUB 7 HLI, HNUB RAU LIS PIAM 14 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 10: 16-23)

Cov kwv tij Hmoob sawv daws, lub Moo Zoo hnub no yog qhia peb sawv daws, kom peb txhob ntxhov siab txog tej yam tsis tau tshwm sim tuaj, vim tej ntawd yuav tsis pab kom peb lub neej zoo tuaj, kawg yim ua rau peb lub neej tsuas muaj ntog mus xwb. 
Huab Tais Yes Xus ntuas cov Hauv Paus Xa Lus kom lawv txawj ua siab loj, txawj tso tseg tej kev ntxhov siab rau lawv cov hauj lwm uas lawv tab tom yuav tawm mus ua. Huab Tais Yes Xus ntuas lawv kom lawv txawj tso siab rau Tswv Ntuj, txawj cev lawv cov hauj lwm rau Tswv Ntuj ua tus nres, ces Tswv Ntuj yuav ua tus npaj txoj kev rau lawv.
Li ntawd mas kwv tij Hmoob sawv daws, niaj hnub no peb yuav cev peb lub neej thiab peb tej kev txom nyem cia rau peb Txiv Tswv Ntuj ua tus pab peb, peb yuav tso siab rau Leej Txiv Tswv Ntuj coj peb kev.
Peb ua dab tsi, mas peb yuav tau thov Huab Tais Tswv Ntuj mog!
 

Add new comment

2 + 16 =