ZAJ NYEEM NIAJ HNUB. Tim 7 lub 7 hli 2022 (Daily reflection)

ZAJ NYEEM HNUB TIM 7 LUB 7 HLI, HNUB TSIB LUB LIS PIAM 14 CAIJ NYOB NRUAB XYOO.
COV LUS NYOB HAUV MAS TAIS NTAWV MOO ZOO (MT 10: 7-15)

Kwv tij Hmoob sawv daws, txoj hauj lwm tshaj Ntuj Lus tsis yog cov Leej Choj los Leej Phauj txoj hauj lwm xwb, yog cov ntseeg sawv daws txoj hauj lwm. Hnub no Huab Tais Yes Xus tau pub ib lo lus coj peb kev tias ‘peb tau txais txoj kev nyiam dawb, mas peb yuav tau pub dawb rau lwm tus thiab’. Li ntawd, niaj hnub no nyob hauv peb lub neej, mas peb yuav pab Tswv Ntuj tshaj lub Moo Zoo rau lwm tus, peb txhob ntxhov siab txog lwm yam ntau dua txoj kev nyiam.
Peb yuav txawj tso siab rau Tswv Ntuj tias nws yuav pab peb kom peb ua tau nws txoj hauj lwm no kom tawg paj.
Kwv tij Hmoob sawv daws, Tswv Ntuj txoj hauj lwm yog pub dawb dawb rau lwm tus xwb, thaum nej ua hauj lwm rau Tswv Ntuj mas nej yuav ua tawm hauv nej lub siab dawb paug los mog! Nej txhob muab Tswv Ntuj txoj hauj lwm los ua nrhiav yug nej txoj sia. 
 

Add new comment

9 + 0 =