Zaj nyeem niaj hnub tim 7 lub 12 hlis 2022 (Daily reflection)

ZAJ NYEEM HNUB TIM 7 LUB 12 HLIS, HNUB NCO TXOG LEEJ NTSHIAB AS NPLOS XYUS
COV LUS NYOB HAUV MAS TAIS NTAWV MOO ZOO (MT 11: 28-30)

Kwv tij Hmoob sawv daws, niaj hnub no muaj ntau tus ua neej nrog txoj kev mob hlwb, ntau tus ua neej nyob hauv kev qaug zog, muaj ntau tus mas lub hlwb dhia tas txwv tsis tau so li. Tab sis kuj muaj coob leej lawv txawj nrhiav tej lub sij hawm so, nyob ntsiag to kom lawv lub siab rov kaj, kom lawv lub hlwb txhob xav ntau.
Hnub no Huab Tais Yes Xus hais rau peb sawv daws tias “nej los cuag kuv mog, nej los so nyob hauv kuv mas! Nej tso nej tej kev khwv, kev ntxhov siab, nej lub nras rau kuv mas, nej muab los hloov kuv lub.”
Cov kwv tij, peb yuav nrhiav lub sij hawm los nyob nrog Huab Tais Yes Xus, nrog nws tham, cev peb tej kev iab kev khwv rau nws, ces ntseeg tau tias peb yuav plam ntawm peb lub nras, peb kev khwv, kev mob hlwb, kev txom nyem. 
Nej kav tsij los nrhiav Huab Tais Yes Xus, ces nej yuav tau chaw so los siav!
Nyob zoo sawv daws.
 

Add new comment

1 + 4 =